Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.

Pådje : Motî:coûteure
Date : 2008-09-16T22:43:18Z
Uzeu : Lucyin
Messaedje :
URL : https://wa.wikipedia.org/w/index.php?oldid=144526

[wikicôde]

coûteure [f.n.]

1. (v.v.m.) sitindowe di teres k' on tcherwéve dedja a l' arivêye des Francs (aprume e Roman payis ey e Hinnot), et k' c' est des foirt bons teréns. F. terre cultivée. [1] >> Al Coûteure; >> Les Coûteures: no di des plaeces di Boufiou, Cerfontinne, Furnå, Leuze-dilé-Du, Lodlinsåt, Måyin, Moustî-so-Sambe, Nålene, Sombrefe, Soûme, Vî Djnape, Yache.

2. binde di longous teréns, metous a costé d' n' on l' ôte. F. bande de culture. >> coûteure di prés: binde di bons prés, k' on fåtche tos ls ans. Li Praireye, c' est ene coûteure di prés k’ est metowe tot do long do bî del Falwaje (L. Mahin). [2] >> Al Coûteure di prés: no d' ene plaece di Warnin.

3. dins l' royaedje so troes ans, les tchamps ki sont tcherwés ciste anêye la. F. culture de l'année en cours, dans l'assolement triennal.

4. boket la k' on-z a ahivé ene plante. Les potchas perlins si ratropelnut a foû grands djonneas, et vorer so les coûteures. F. culture, plantation.

5. tecnike d' ahivaedje d' ene plante. Vocial les racsegnes sol coûteure del boûkete. On dit eto: culteure 2. F. culture. [3]

| coûturele [f.n.] (v.v.m.) pitite sitroete tere dedja tcherwêye a l' arivêye des Francs. >> Al Coûteurele: no di des plaeces d' Anderluwe, Papgniye, evnd.

Etimolodjeye et tcherpetaedje

coûteure 
latén <span-lang=la>cultura (minme sinse)
coûturele 
cawete -ele

Parintaedje

Mot d' aplacaedje

Disfondowes

couteure 
coûteure, coutûre, coûtùre, coûtère, coûtore, coûtâre; vîs scrijhas : Coutuere (1374) [4]
couturele 
coûturèle, couturèle, coûturale.

Sicrijhas ezès motîs

coûteure 
couture [C1]; Coûtures [O0], coûtûre [O2], coûtère [S17], coutère [S109] nén dins S0, O4, O100.
coûturele 
couturèle [O0, O2]. [5]

Hårdêye divintrinne

Sourdant et pî-notes

  1. ↑ Live so les viyaedjes, les hamteas et les aiwes del Beldjike da Carnoy, p. 150 (à "Couture-Saint-Germain" sicrît flotchreçmint "Court-Saint-Germain).
  2. ↑ Dins Ene båke so les bwès d’ l’ Årdene p. 262.
  3. ↑ noûmot pa stindaedje do prumî sinse.
  4. ↑ a Coûteure-Sint-Djermwin (Live so les viyaedjes, les hamteas et les aiwes del Beldjike da Carnoy) p. 150.
  5. ↑ Loukîz al Djivêye des motîs.