Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.
Pådje : Motî:cocogne
Date : 2020-02-19T12:09:05Z
Uzeu : Lucyin
Messaedje :
URL : https://wa.wikipedia.org/w/index.php?oldid=354523
cocogne [o.n. ou f.n.]
1. oû d' Påke (tindou avou d' l' aiwe wice k' on-z a distrimpé des peletes d' agnon). F. "oeuf de Pâques". >> Cwand k' on magne les boûketes a l' ouxh, on magne les cocognes el coulêye: cwand i fwait bon å Noyé, i fwait froed a Påke. F. "Noël au balcon, Pâques au tison".
2. påcaedje. C' est Påke dimegne ki vént: dji m' rafeye di sawè si vos m' payroz m' cocogne (H. Mahy). F. "cadeau de Pâques".
3. (tot cåzant å rvier) rascråwe. >> fé aveur si cocogne: fé aveur ene rascråwe. Louke bén ki l' ôte ni t' vegne nén toumer sol coir et t' fé aveur ti cocogne (A. Maquet). F. "faire la fête à".
4. pitite poere, peme må crexhowe. F. "avorton".
5. (po rire) tiesse. Li mårtea a vnou peter sol dizeu del cocogne do lapén, djusse inte les deus orayes (R. Painblanc). On dit eto : makete. F. "tête, crâne".
Latén coccum (grin), vinant do grek, cawete -on, prononcêye -ong come e l' Hesbaye, ricandjeye e -ogne.
Coinrece Payis d' Lidje