cofré [o.n.] 1. camaeråde ki vs riwaitîz come vosse fré. 2. (mot d' docteur, d' årtisse) [[Motî:fré|fré°]] d' mestî. 3. (mot po-z arinner) valet (sovint dins des fråzes di rprotche). Hê, cofré, li pompe ki t' m' as vnou epronter ersè, ele si lome rapoite-mel, la. I n' ti fåt nén djinner, la valet, cofré ! rl a: [[Motî:copere|copere]], [[Motî:cossour|cossour]]. Disfondowes: confrére, confré, cofré. Etimolodjeye: bodje fré, betchete co- nén spotchåve. | cofréreye [f.n.] 1. soce di djins ki s' riwaitèt come des frés. >> li grande cofréreye: les omes maryîs, eneviè les cis ki n' el sont nén co. Et l' but do djeu (saetchaedje al coide), c' esteut ki l' pus vî des nén maryîs, k' esteut d' on costé, arive di l' ôte des costés del roye k' on-z aveut tracé, po rintrer dins l' cofréreye des omes maryîs (P. Dufaux). >> moussî (u: intrer, u: si mete) el (grande) cofréreye: si maryî. 2. grope di rlidjeus ki vikèt avou les minmes dujhances. On peye les åtés, les sints lieus, Et totes nos cofréreyes, Et putoit ki d' nos fé do bén, On-z evoye a Wîne tot l' butin (Tchanson namurwesse patriotike tote novele). L' islam a moussî å Senegal avou l' cofréreye des Tidjanes. F. ordre (religieux). 3. (foclore) soce di djins d' ene veye u d' on viyaedje ki rprezintèt leu payis avou on mousmint d' ceremoneye dins ene ôte veye, tot mostrant deus aboeres u amagnîs tipikes. Les deus plats tipikes del cofréreye des Baudets d' Bertrès, c' est l' bire del Moreapire et l' påstea (Y. Gourdin). 4. etroclaedje di djins må veyous. La todi ene drole di cofréreye, la. Vos, les Kossovåds, vos djinnoz kécfeye disso l' tere; vos n' vos taijhoz nén come onk k' est presse a moussî sins frapyî e l' confréreye des cis k' on spotche (R. Viroux). Si l' umanité etire si pleut rtrover dins on viyaedje di cint djins, tot wårdant totes les proporcions inte les peupes, ça freut ene rude cofréreye ! (L. Baijot) >> Dji n' so nén di ç' cofréreye la: fråze k' on dit po n' nén aler avou des djins ki vlèt fé ene sacwè eshonne, u po n' nén accepter on martchî ki n' est nén trop catolike. Franwal: ahåyant po: "Ce n'est pas mon genre; Je ne mange pas de ce pain la". Disfondowes: confrérîye, confrêrèye, cofrérèye.