{{Wiccionaire-motî|coirzenoxh}} coirzenoxh [advierbire] 1. avou s' [[Motî:coir|coir]] et ses [[Motî:oxhea|oxheas]], tot djåzant d' ene djin (et nén tot-z evoyant ene ôte sakî estô d' lu). Å cmince, li djudje aveut rfuzé li procuråcion ki Zande aveut dné å pårlî, et dmander ki l' ome si vegne prezinter coirzenoxh divant les noerès cotes ([[L. Mahin]]). Il a passé dins li tchminêye coirzenoxh. F. en chair et en os. 2. >> magnî coirzenoxh: a) tot [[Motî:raspepyî|raspepiant]] les oxheas, tot djåzant do magnaedje d' ene biesse. Il a magnî l' live coirzenoxh. Si t' vas trop près do gros tchén, i t' magnrè come on soret, coirzenoxh. F. dévorer. b) magnî galoufmint. 3. (imådjreçmint) [[Motî:pår|pår]]. Dj' a vizité l' tchestea, del cåve å gurnî, coirzenoxh. Les airs des djîles vos saizixhèt coirzenoxh. ([[H. Pétrez]]) >> si dner coirzenoxh po: bouter po ene boune ouve tant k' on pout. Abel Dumant si dnéve coirzenoxh pol comiece di Fleuru ([[H. Pétrez]]). F. payer de sa personne. Disfondowes: cwar-z-è-n-ohy, cwèr-z-è-n-oh, cwér-è-n-ohy, cwâr-z-è-n-och, cwar-z-è-n-ouch, côrzènouch, coûrzènouch, cwarzinouch, cwarèmouch. Etimolodjeye: aplacaedje d' ene advierbire "e coir et-z e-n oxh" (avou l' coir et les [[Motî:oxhea|oxhs]]). ---- Dipus d' racsegnes sol ratourneure "coirzenoxh" dins li rvowe [[Diyalekes del Walonreye]] 25-26 p. 241-248, et dins l' [[Motî Alfonse Massaux]] a "cwâr".