coixhe
I. [addj., purade padvant]
1. ki fwait må cwand on tchôke dissu, tot djåzant d'ene [[Motî:coixheure|coixheure]]. Dji n' a pus må, mins l' plaece est co si coixhe ki dj' nel oize djonde ([[Motî d' Andene]]). F. sensible, douloureux, tendre, excorié.
2. k' on n' sint pus, tot djåzant d' ene pårteye do coir k' a foirci, k' a stî å froed. Dj' a les doets tot coixhes d' aveur ovré al cizete ([[Motî d' Vervî]]). Dj' a l' pea d' mes pîs k' est coixhe d' aveur trop roté ([[Motî da Pirsoul]]). A magnî de surès pemes, on-z a l' boke tote coixhe. Il a s' vizaedje coixhe d' aveur rôlé a moto sins casse.. Dj' a l' betchete del narene si coixhe ([[Motî da Forir]]). F. fatigué, endolori.
3. k' a må pattavå, ki cove åk; k' est rade malåde, ki s' dit todi flåwe. Por mi, dj' va awè l' gripe : dji m' sin tot coixhe ([[P. Defagne]]). L' efant cove ene maladeye : il a l' coir tot coixhe. C' est ç' djoû la k' elle a comprins k' on pleut esse coixhe ådla et leyî croere ås ôtes k' on est l' pus foirt des tchinnes ([[L. Somme]]). On dit eto: [[Motî:fayé|fayé]], [[Motî:saké|saké]], [[Motî:cacame|cacame]]. F. souffreteux, maladif, douillet, paresseux.
4. , ki n' sait edurer on må. End a ki sont coixhe: ossu waire k' on les djond, c' est les moudri, k' on fwait ([[C. Denis]]). F. douillet, sensible, tendre.
5. [[Motî:poenneus|poenneus]](e), k' a sogne, k' est todi malåde. Elle est si coixhe k' ele fwait poenne a vey. F. inquiet, chétif.
6. [[Motî:hagnant|hagnant]], tot djåzant do tins froed et setch), deur, [[Motî:graevleus|graevleus]], tot djåzant di mwins k' ont bråmint bouté. On coixhe tins. I fwait coixhe, ouy. Ci n' est pus des mwins d' efant : ses paletes sont coixhes, d' on costé et d' l' ôte ([[C. Denis]]). F. mordant, âpre, dur, rugueux.
7. ki s' måvele rade. Vs estoz bén coixhe ådjourdu, shonne-t i : on n' a rén a vos dire ([[P. Defagne]]). Ci n' esteut k' èn estené, roubiesse et coixhe ([[M. Delbouille]]). Loukîz a : [[Motî:cwagne|cwagne]]. F. susceptible, irritable, vexé, égoïste, rétif, grincheux, ombrageus,.
8. ki n' vout nén k' on l' aduze, tot djåzant d' ene feme. Cristele esteut ene comere foirt coixhe, foirt timide; li tchîf aveut stî ene miete trop lon avou ses mwins ([[C. Denis]]). F. sainte nitouche, châtouilleuse, timide.
II. [f.n.]
1. parfond taeyaedje dins l' pea, dins on bwès. D' on côp d' cougneye, dji m' a fwait ene fameuse coixhe ([[Motî d' Perwé]]) F. encoche, entaille, coupure, blessure.
2. banc do creuzeu ås shabots (avou on parfond taeyaedje å mitan). F. établi.
Etimolodjeye : sivierba di "[[Motî:coixhî|coixhî]]".
| coixhisté [f.n.] defåt d' ene sakî, d' ene sacwè k' est coixhe, purade dins ene fråze mouwrece. Il est d' ene coixhisté, ouy, Maria Deyî ! F. sensibilité, irritabilité, affectivité, hypersensibilité, susceptibilité, réactivité, exitabilité, âpreté, dureté, fatigabilité, hyperfatigabilité.
Etimolodjeye : [[cawete -isté]]
----
* [[coixheure|Dipus d' racsegnes so les coixhes (coixheures)]]
* [[shabotî |Dipus d' racsegnes sol coixhe do shabotî]]