competer (codjowaedje) [v.c.]

1. esse dins les normås ovraedjes da (ene sakî, ene administråcion). Cisse cåze ni compete nén l' tribunå (Motî da Haust). Po fé simpe, dijhans ki, çou ki compete les Redjons dins l' novea pordjet, c' est tot çou ki compete dedja les Redjons et Kiminåltés come ele rotnut asteure (Stéphane Dohet). F. concerner, être de la compétence de, être du ressort de.

2. rigårder. Çoula ni vs compete nén (Motî d’ Vervî). Melez vs di çou ki vs compete. Di lai la çou ki n' mi compete (Motî da Haust). Wåde ti papî, çoula ni m' compete nén (M. Peclers). Assuré, li comunion del messe c' est po les crustins; mins li fiesse, li bone etinte, c' est tot l' monde ki ça compete (Gaston Schoonbroodt). F. regarder, concerner, intéresser.

| competince [f.n.]

1. droet di s' ocuper d' ene sacwè, dins on govienmint, ene administråcion. Çoula n' est pus di m' competince. F. compétence, autorité.

2. sepiance tecnike. F. compétence, capacité, aptitude.

| competint, competinte [addj., todi padrî]

1. ki ça l’ compete, tot djåzant d' ene administråcion, d’ on responsåve di åk. F. compétent, concerné, responsable, qualifié.

2. capåbe. F. compétent, expérimenté. >> fé l’ competint: si dire capåbe, et k’ on n’ l’ est nén. I fwait l' competint dvins tot.

Parintêye :

• incompetince

Pwaire minimom

• copeter