Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.
Pådje : Motî:conte_3
Date : 2009-01-15T18:24:18Z
Uzeu : Lucyin
Messaedje :
URL : https://wa.wikipedia.org/w/index.php?oldid=156096
conte 3 u conte di
I. [divancete]
1. mostere k' on tént avou l' ôte costé di des djins nén d' acoird. Il esteut dins ene lisse conte mi. Il avént ene flouxhe di djins conte di zels. Dji n' sai çou k' i machine conte di mi (Motî da Haust). Ele si mwaijixheut s' on batéve conte leye (E. Gilliard). F. "contre". >> bate conte: dire ki c' n' est nén l' veur Dandjreus k' i sont dins l' bon et dji n' va nén bate conte (E. Gilliard). F. "dire le contraire, s'opposer à". >> dji n' pixhe nén conte: dji nel rifuze nén. Si to véns avou ene boune dorêye, dji n' pixhe nén conte. F. "je ne refuse pas".
2. mostere k' on djond (ene sacwè, ene sakî). N' aspoyîz nén vosse doet conte li meur : li plåsse n' est nén co setch. Les stoubions do vint vinént bômer conte on cwårtea d' baracmints plantés e mitan des prés (W. Bal). Ele sere si feye conte si pwetrene;"Louwiza", shofele-t ele (F. Barry). On dit eto: astok di. F. "contre, auprès de".
2. [o.n.] tot çou ki n' tént nén avou ene prumire sacwè. Elle a bén mostré l' po et l' conte. F. "contre". >> ki ti m' fwais dire li conte: dijhêye po d' escuzer d' aveur dit on laid mot. Espece di wesse, ki m' fwait dire li conte (A. Masson). F. "excusez-moi de m'emporter de la sorte".