conte 3 u conte di
I. [divancete]
1. mostere k' on tént avou l' ôte costé di des djins nén d' acoird. Il esteut dins ene lisse conte mi. Il avént ene flouxhe di djins conte di zels. Dji n' sai çou k' i machine conte di mi (Motî da Haust). Ele si mwaijixheut s' on batéve conte leye (E. Gilliard). F. "contre". >> bate conte: dire ki c' n' est nén l' veur Dandjreus k' i sont dins l' bon et dji n' va nén bate conte (E. Gilliard). F. "dire le contraire, s'opposer à". >> dji n' pixhe nén conte: dji nel rifuze nén. Si to véns avou ene boune dorêye, dji n' pixhe nén conte. F. "je ne refuse pas". >> fén conte fén, gn a pont d' dobleure. [1]
2. mostere on rméde po rweri d' on må. Conte les halenes, mete del tchene al tere åtoû des cabus. Conte li fivlinne on pindeut ene boursete avou des crås pourceas åtoû do hartrea; ça dveut pinde so li stoumak (G. Ghys). F. "contre, pour guérir".
3. mostere ene discandje. Les camaerådes påtnut chiner dins les cinses do coron et discandjî do tchocolat ubén do savon conte des canadas (L. Sohy). F. "contre, en échange de".
4. mostere k' on djond (ene sacwè, ene sakî). N' aspoyîz nén vosse doet conte li meur : li plåsse n' est nén co setch. Les stoubions do vint vinént bômer conte on cwårtea d' baracmints plantés e mitan des prés (W. Bal). Ele sere si feye conte si pwetrene;"Louwiza", shofele-t ele (F. Barry). Li brut a rbucté conte les grands castagnîs tot do long d' l' aiwe (E. Gilliard). Loukîz a : astok di, so. F. "contre, auprès de, sur".
II. [o.n.] tot çou ki n' tént nén avou ene prumire sacwè. Elle a bén mostré l' po et l' conte. F. "contre". >> ki ti m' fwais dire li conte: dijhêye po d' escuzer d' aveur dit on laid mot. Espece di wesse, ki m' fwait dire li conte (A. Masson). F. "excusez-moi de m'emporter de la sorte".
Parintaedje
Mots d’ aplacaedje
Omonimeye
Hårdêye difoûtrinne
Sourdants & pî-notes
- ↑ djeu d' mot inte li sinse "contråve a" et l' sinse "astok di".