crås,
cråsse
I. [addj., todi padvant]
1. grosse, pezante a cåze di trop di cråxhe, tot djåzant d’ ene djin, d’ ene biesse, d’ on boket do coir. Ele admiréve la, dvins Bavire Beacôp d' vizaedjes al vénss-mi-cwir, Des crås, des maigues, des årvolous Et des cis k' årént bén volou ([[paskeye]] di 1743). C' est riskeus di n' pont mete di cingue a blouke ni d' abertale, paski vos n' estoz nén la bén crås et vosse marone pôreut disgriboler d' vos hantches ([[A. Masson]]). Loukîz a : [[Motî:bômel|bômel]]. F. gras, adipeux, bouffi, obèse, engraissé.
>> crås come ene lote; u
>> crås come on tchén d’ botchî: foirt crås.
>> on bea gros crås gris tchet avou ene bele grosse cråsse grijhe cawe: [[Motî:toitche-linwe|toitche-linwe]].
>> Li crås sôdård: tite d’ on live da [[Joseph Dufrane]].
>> I n' fåt nén touwer tot çk' est crås: (imådjreçmint) i fåt saveur accepter des ptitès fåtes; i n' fåt nén apliker les reglumints trop [[Motî:straegnmint|straegnmint]]. F. savoir faire preuve de souplesse.
2. avou bråmint del [[Motî:cråxhe|cråxhe]], tot djåzant d’ ene sacwè. I gletéve divant ene boune cråsse fricassêye å djambon po ridjuner, li dimegne, cwand on rvént d' basse messe ([[A. Laloux]]). Gn åreut k' ene boune sope å crås lård po m' rassapiner ([[E. Pècheur]]). Cwand ele vudént did la, les tchocolatires grouzlinént voltî on bon crås saetchlot d' fritches ([[C. Quinet]]). F. gras, .
>> cråsse [[Motî:eurêye|eurêye]]: eurêye avou des foirt bons amagnîs. On dit eto: [[Motî:gueuyton|gueuyton]], [[Motî:rintchintchete|rintchintchete]]. F. festin, gueuleton. >> cråsse sope: F. velouté.
>> cåzer del cråsse linwe:: cåzer tot djhant ch estô d' ss.
3. foirt placante, tot djåzant d’ ene tere. Li tere del cinse, c' esteut del cråsse årzeye, ki saetcheut sol rodjåsse ([[P. Renson]]). F. gras, limoneux.
4. (imådjreçmint) ritche, [[Motî:pouxhant|pouxhant]], tot djåzant d’ ene djin ; k’ a del valeur tot cåzant d’ ene sacwè. Et trawer l' panse des crås minisses Sins awè peu del laide police ([[A. Gauditiaubois]]). F. gras, plantureux.
>> vo m' la crås avou ça : vo m' la bén avancî (tot djåzant, årvier : dji n' su nén avancî do tot). Dji n' esteu nén pus avancî ni nén pus crås ([[Guillaume Smal]]). Mågré tot l' må k' i s' avént dné, i n' estént pus crås ([[E. Sullon]]). F. avancé.
>> ene boune cråsse pinte: on bon vere di bire avou l’ schoume ki [[Motî:craper|crape]] ås boirds.
>> des crås iys: des lanwoureus iys, ki vôrént bén li ci k’ i waitnut. F. yeux langoureux.
5. sipès, tot djåzant d' ene sacwè. Å moens k' i gn a des eritîs, å dpus kel moncea est crås ([[C. Derycke]]). F. consistant, copieux, abondant.
>> cråsse lete: sipesse lete. F. caractère gras.
7. [[Motî:crou 2|crou]], måhonteus, tot djåzant d' on cåzaedje, d' ene fåve. F. gras.
>> cråsse tchanson: måhonteuse tchanson, tchantêye voltî pa les djonneas et les studiants. F. chanson paillarde.
8. bén [[Motî:ansiner|ansinêye]], tot djåzant d’ ene tere. Avår la, c’ est totès cråssès teres. I fjhènt rûtyî l' tracteur po dismoujhner les framoujhes et stårer les cous d' flate foû des cråssès taetches ([[R. Georges]]). F. gras, fertile, fécond, fertilisé.
II. [sustantif]
1. [o.f.n.] djin, biesse avou bråmint del cråxhe. Dji n' sai nén pocwè k' on-z î loméve "mon l' Crås" (DGR).
>> fé dins les crås:: ecråxhi des pouceas, des åmeas, di s' mestî, eneviè li ci ki les fwait skepyî et les vinde, djusse sipanis. F. engraisser, faire de l' embouche.
2. [o.n.] bokets d' ene tchå la k' gn a l' cråxhe (et k' estént veyous come les meyeus bokets dinltins). F. gras.
>> taper crås evoye: furler les cwårs. On dit eto: [[Motî:furlander|furlander]], [[Motî:coschirer|coschirer]]. F. gaspiller.
>> ene roye di crås, ene roye di maigue: après des bons moumints, end a des moens bons.
>> gn a do crås et do trelårdé:: gn a d' totes les sôres di djins, des bounes et des mwaijhes.
>> n' end aveur ni crås ni maigue: n’ end aveur di keure. C’ esteut èn ome k' end aveut ni crås ni maigue : il esteut etirmint devouwé a s' cåze. F. se moquer de tout, n’en avoir cure.
3. [f.n.] crouwe, måhonteuse fåve. I n' sont nén a l' après d' ene cråsse. F. plaisanterie grasse.
III. [adv.] dins l' ratourneure : t
magnî, mindjî crås tot prindant bråmint del cråxhe. I magne crås. on tapêve les djins al biesse di Staneu: ele magnive crås ! ([[G. Cabay]]). F. grassement.
| cråsté [f.n.] cwålité, difåt di çou k’ est crås (u måhonteus). F. obésité, fertilité, paillardise, vulgarité.
Parintêye :
* [[Motî:cråxhe|cråxhe]]
Mots d’ aplacaedje :
* [[Motî:crås bådet|crås bådet]]
* [[Motî:crås boyea|crås boyea]]
* [[Motî:crås bwès|crås bwès]]
* [[Motî:crås mosset|crås mosset]]
* [[Motî:crås moulet|crås moulet]]
* [[Motî:crås souke|crås souke]]
* [[Motî:crås stofé|crås stofé]]
* [[Motî:crås vea|crås vea]]
* [[Motî:crås verdon|crås verdon]]
* [[Motî:cråsse cawe|cråsse cawe]]
* [[Motî:cråsse fenaesse|cråsse fenaesse]]
* [[Motî:cråsse foye|cråsse foye]]
* [[Motî:cråsse poye|cråsse poye]], [[Motî:cråsse poyete|cråsse poyete]]
* [[Motî:cråsse raecene|cråsse raecene]]
* [[Motî:cråsse yebe|cråsse yebe]]
----
* [[cåzaedje del cråsse linwe|Dipus d' racsegnes sol cåzaedje del cråsse linwe]]
* [[cråsse tchanson|Dipus d' racsegnes so les cråssès tchansons]]