{{Wiccionaire-motî|crama}}
crama [o.n.] u
crami [o.n.] u
cramion 2 [o.n.] u
cramea [o.n.]
1. usteye des måjhons did dinltins, avou on feu e l' [[Motî:aisse|aisse]] po pinde les tchôdrons, avou tos des dints. Rabaxhî l' crama; rimonter l' crama. Al måjhon ki nos cwitans, dijhans lyi: måy nos cours ni roveyront tes meurs ki pierdèt nosse crama ([[N. Defrecheux]]). On pindeut l' crama åvou on tchôdron di scroufier åd dibout, et on meteut padzo do bwès k' on alouméve ([[H. Pétrez]]). Li crama tournéve so ses pindeures po-z amoenner l' tchôdron, li cocmwår et l' cabolea padzeu les andîs ([[J. Houziaux]]). Dins les ancyinnès tchminêyes, gn aveut des coleccions d' tchôdrons, d' andîs, di cramas, di tchåfretes ([[P. Otjacques]]). A si dj' åreu jamwais l' payele ki pind astok do cramea amon Pampé do Torea ([[R. Barmarin]]). Les femes, ashides divant l' cramion, tricotént des tchåssetes e schapant ene masse di måyes ([[R. Painblanc]]). F. crémaillère.
>> pinde li crama: fé ene fiesse cwand on mousse dins ene novele måjhon (avou u sins feu el' aisse). Di ces tins ci, gn a des pindaedjes di crama a totes les lunes. Loukîz a : [[Motî:rimouyî|rimouyî]] l' bouket, rimouyî l' [[Motî:houpea|houpea]]. F. pendre la crémaillère.
>> C' est todi l' [[Motî:tchôdron|tchôdron]] ° ki dit å crama (u ki lome li crama) "Noer cou !"
>> On pout bén fé ene bele croes sol crama; u :
>> On frè ene croes e crama: on pout fé ene bele [[Motî:croes|croes]]; c' est [[Motî:åk|åk]] ki n' arivrè nén tos ls djoûs. F. événement inattendu, étrange, extraordinaire.
>> fé crama: prinde tote li cagnote (à on djeu). Dispu k' il aveut fwait crama sol Toû di Beldjike, il end aveut s' sô ([[E. Fivet]]). I spite evoye e criyant "Dj' a fwait crama"; dayeur, al banke, on pout todi fé crama ([[F. Danhaive]]). On dit eto: F. gagner, faire bingo, rafler les mises.
2. fiesse k' on fwait cwand on pind l' crama. Dji m' sovénrè do cramea d' èm matante ([[J. Bertrand]] dins [[Lolote (tchanson)|Lolote]]). F. pendaison de crémaillère.
3. [[Motî:diåle|diåle]] (do tchår); aparey po tinkyî les fi d' ronxhes, po saetchî èn åbe djus. F. levier, tendeur à crémaillère.
4. ataetche del [[Motî:tcherowe|tcherowe]] ås traits, avou des [[Motî:ecrin|ecrins]]. Magnront i co leu pwin, ashids dsu l' crama d' leu-z eraire ? ([[J. Guillaume]]). F. crémaillère de charrue.
5. sistinme d' acrins po regler li foice a dner a tchaeke tchivå dins on landon a deus tchvås. F. crémaillère de palonnier.
6. pîce del direction des otos. F. crémaillère.
| cramiete u
cramiote [f.n.]
1. crotchet k' on pind après l' crama, pol ralongui. F. crémillon.
2. aparey po dispinde les tchôdron djus do crama.
>> Les Cramietes: sipotaedje des dmorants d' [[Motî:Cins|Cins]].
== Etimolodjeye et tcherpetaedje==
;crama : bodje [[Etimolodjeye latene|latén]] "kremaster", [[[Motî etimolodjike da von Wartburg|FEW]] 2. 1314a (sorlon l' [[Motî d' Bastogne]]).] [[cawete -a]].
;crami [[cawete -i]]. [ki provénreut del cawete latene ''-iculum'' (ALW 5, p. 19.]
;cramion : dobe [[cawete -ion]]
;cramea : [[cawete -ea]]
;cramiete : [[cawete -ete]]
;cramiote : [[cawete -ote]]
== Parintêye ==
* [[Motî:ecramyî|ecramyî]]
* [[Motî:discramyî|discramyî]]
* [[Motî:cramignon|cramignon]]
* [[Motî:cramion 1|cramion 1]] (brete, margaye)
== Disfondowes ==
;crama : crama, crèma, crëma;miersipepieuzmint el mape [[A.L.W.]] 5. 2. ey el notule 5. 6.
;crami : ; crami, cramè, cramwè.
;cramea : cramia, (cramê); Pc. cramiô.
;cramion : cramion, cramiyon, cramian, crèmion.
== Sicrijhas ezès motîs ==
;crama : crama [E1, O0, C1, C106, S0, S41].
;crami : crami [S109, S25]
;cramion : cramion [O0, O2, O4, O5, O102], cramyon [O3], nén dins O100.
;cramea : cramia [O0, O4, O5, O103], cramya [O3]. [Loukîz al [[Djivêye des motîs]].]
;cramiete : cramiète [O0, O2, S0]
;cramiote : cramiote [E212b], cramiotte [E212]
== Sipårdaedje do mot e 20inme sieke ==
;cramion : Coinrece [[Coûtchant walon]] & [[aschates walon picård]].
;cramea : sorcoinrece payis di [[Sterpi]], [[Pitit Rieu]], [[Godarveye]], [[Viveye]], [[Djumet]], [[Djanmioû]], [[Djimnêye]]. [[[ALW]] 5. p. 18-19.]
== Sourdants ==
[[Categoreye:Motî]]