{{Wiccionaire-motî|crikion}}
crikion 1. pitit [[cok d' awousse|cok d' awousse]], brun u noer, ki tchante a l' esté. Li Djåce si sint tote disseulêye Les crikions ont fwait do xhilter, Li råskignou cmince a tchanter ([[P. Moureau]]). On dit eto: [[Motî:cricri|cricri]], [[Motî:tchantrê|tchantrê]], [[Motî:crînon|crînon]]. F. criquet, grillon. >> crikion des brouwires: sôre di crikion ki vike divant l' ouxh. >> crikion des måjhones: crikion ki vikéve dins les viyès tchminêyes, u dins les boledjreyes. Dispu les grossès aiwes, gn a pus on crikion ni ene noere biesse dins les måjhones. ([[L. Bernus]]). >> crikion-pelrin: [[Motî:potcha-pelrin|potcha-pelrin]]. >> crikion d' [[Motî:potadjî|potadjî]]: viye cmere. >> El Crikion: (si scrijheut "L' Créquion" gazete e walon ki rexheut totes les samwinnes e payis d' Tchålerwè k' a parexhou di 1904 a 1910.
2. (mot d' atôtchance djinti) pitit gamén, pitite gamene. Vinoz, mi ptit crikion; vos åroz ene bouboune. Cwè est i k' ça vos fwait, don, mi aviné crikion, di m' vey insi tote nowe ? ([[J. Schoovaerts]]).
3. (mot d' rabaxhaedje) pitit ome, pitite biesse. Clô t' gueuye, ti l' crikion. Eyet t'-minme, hon, avou t' pitit crikion d' Kili ki pixhe pa tos costés et ki va haper les pexhons dins l' botike da Lemaire. ([[Ben Genaux]]). On dit eto: [[Motî:maniket|maniket]], [[Motî:bas-cou|bas-cou]]. F. gringalet, avorton.
4. mwinre, tchêpieus efant, djin foirt maigue. Li feme esteut maigue a fé sogne: on vraiy crikion ([[J.P. Dumont]]). El xhalé ravize el bossou, On crikion a djambes di fistou, Pitieus, avou ene grosse cårêye tiesse Inte ses deus spales come des eriesses ([[G. Wiyame]]). F. squelette. Disfondowes: crikion, crëkion, crèkion, critchon, crètchon, crition. Etimolodjeye: mot-brut "krik", [[cawete -ion]].
----
* [[Li Crikion|Dipus d' racsegnes sol gazete "El Crikion"]]
* [[crikion|Dipus d' racsegnes so les crikions]]
[[Categoreye:Motî]]