{{Wiccionaire-motî|croejhete}}
<FONT COLOR="#ff0000"><B>croejhete</B></FONT>  [f.n.] 

<B>1.</B> pitite croes. <span lang=fr>F. croix.</span>
<FONT COLOR="#0000ff">>>&nbsp;N' a nole si ptite måjhinete ki n' åye si ptite croejhete:</FONT> prôpmint, on meteut todi ene croejhete dins totes les måjhons, soeye-t i ådfoû, soeye-t i ådvins.
<FONT COLOR="#0000ff">>>&nbsp;emacralêye croejhete:</FONT> (doûce croeyance) pitite croes k' on croylêye a tere, so on pazea u ene voye; on l' retourêye d' on rond, et leyî å mitan des çanses k' on-z a froté so ene plåye; si ene djin ramasse les cwårs, on vout k' i (elle) atrape vosse må et vos vos ndè serôz cwite.

<B>2.</B> pitite croes, pitite poenne, pitit [[Motî:mehin|mehin]]. <span lang=fr>F. petit déboire, petit souci, [[problinme|petit problème]].</span> 
<FONT COLOR="#0000ff">>>&nbsp;N' a nole si ptite måjhinete ki n' åye si ptite croejhete:</FONT> (imådjreçmint) tertos a ses ptits mehins. 

<B>3.</B> croejhlaedje di ptitès voyes. <span lang=fr>F. croisette.</span>
<FONT COLOR="#0000ff">>>&nbsp;Al Croejhete</FONT> no d' ene plaece di [[Motî:Rdû|Rdû]], di [[Motî:Lompré|Lompré-el-Fåmene]], di [[Motî:Djivri|Djivri]].
<FONT COLOR="#0000ff">>>&nbsp;El Cinse del Croejhete:</FONT> no d' ene plaece di [[Motî:Nivele|Nivele]].
<FONT COLOR="#0000ff">>>&nbsp;A les Croejhetes:</FONT> no d' ene plaece di [[Motî:Miå|Miå]].

<B>4.</B> (v.m.) pitit live di scole did dinltins, po-z aprinde les letes, k' i gn a veut todi ene pitite croes dsu, çou ki vleut dire kel luçon cmincive pa on sene di croes. <I>Po-z aprinde li croejhete, I faleut bén troes moes; Et po sawè speli Å moens shijh moes après. </I>([[F Quinaux]]). On dit eto [[Motî:croes|croes d' pårt Diè]]. <span lang=fr>F. abécédaire.</span>

<B>5.</B> alfabet. <I>Vos iroz raprinde vosse croejhete.</I> <I>I sait parfaitmint s' croejhete </I>([[Motî d' Nivele|J. Coppens]]) <span lang=fr>F. alphabet.</span>
<FONT COLOR="#0000ff">>>&nbsp;i n' est co k' al croejhete:</FONT> i n' sait co lére. <span lang=fr>F. alphabet.</span>

<B>6.</B> prumirès kinoxhances so ene langue, on mestî. <I> base I n' kinoxhe nén ddja l' croejhete do marketigne,  et i nos vôreut mostrer kimint fé del riclame.</I> <span lang=fr>F. base, notions fondamentales.</span>
<FONT COLOR="#0000ff">>>&nbsp;i n' est co k' a ses croejhetes:</FONT> i n' fwait ki di cmincî. <span lang=fr>F. ses débuts.</span> 
<FONT COLOR="#0000ff">>>&nbsp;revoyî ene sakî al croejhete:</FONT> el traiter d' biesse, lyi dire d' aler raprinde si mestî. <span lang=fr>F. envoyer paître.</span>

[[Imådje:leonard croejhete.jpg|thumb|Prumî eployaedje do mot "Croejhete" po "grammaire"]]

<B>7.</B> rapoirt des mots inte zels, dins ene langue; rîles ki discrijhèt ces rapoirts la. <I>Il aveut scrît do côp "Ene pitite croejhete do rfondou walon" tot e walon.</I> <I>On n' si dispetrogne nén sol croejhete dins ene soce di Rcåzeus d' walon.</I> On dit eto :[[Motî:grammaire|grammaire]]. <span lang=fr>F. grammaire.</span>
<FONT COLOR="#0000ff">>>&nbsp;Ene saye di croejhete di nosse patwès:</FONT> tite d' on live di croejhete d' après Nameur.

'''8.''' live di grammaire. <I>Li pus clapant trova, c' est l' metaedje eshonne des viebes del 3inme sôre, pask' i n' aparexhnut nén dins les croejhetes lidjwesses.</I> <span lang=fr>F. grammaire.</span>

Etimolodjeye: bodje "[[Motî:croes|croejh]]", [[cawete -ete]].

Droete parintêye :
* [[Motî:croejhion|croejhion]]


----
* [[doûce croeyance|Dipus d' racsegnes so l' emacralêye croejhete et les ôtès doûcès croeyances]]
* [[croejhete (toponimeye)|Les nos d' plaeces del Walonreye ki s' lomnut "croejhete"]]
* [[croejhete (linwince)|Dipus d' racsegnes sol croejhete]]
* [[croejhete do walon|Dipus d' racsegnes sol croejhete do walon]]
* [[Ene saye di croejhete di nosse patwès (live)|Prezintaedje do live "Ene saye di croejhete di nosse patwès"]]
* [http://users.skynet.be/lorint/picr/ Sinses do mot "croejhete" e sacwants motîs coinreces]