cron, crombe I. [addj.] 1. [[Motî:sitroupyî|sitroupyî, sitroupeye]], tot djåzant d' ene djin avou ene crawieusté do coir å skepiaedje, u après èn accidint. Si efant est tot cron ([[Motî da Forir|H. Forir]]). Il a dmoré cron après si accidint ([[J. Coppens]]). Il a dmoré cron d' aveur yeu s' djambe rompowe ([[F. Deprêtre et N. Nopère]]) On dit eto: [[Motî:crawieus|crawieus]], [[Motî:xhalé|xhalé]], [[Motî:halcrosse|halcrosse]]. F. difforme, handicapé, infirme. 2. ployî, metans: tot djåzant do dos d' ene djin ki rote a baxhete. Dins l' yô ki n' el frexhixh ddja pus, Ele va todi, tote crombe; ele shût L' tchimin ki shût les måjhons trisses ([[F. Dewandelaer]]). On dit eto: [[Motî:vôssé|vôssé]], [[Motî:tchamlou|tchamlou]]. F. courbé, voussé. >> fé s' cron dos: vôsser s' dos (kécfeye di sogne d' esse [[Motî:gueuyî|gueuyî]]). F. faire le gros dos, courber l'échine. >> awè des crombès djambes: aveur des djambes come des [[Motî:tchame 1|tchames]], avou les djnos å dfoû, come onk k' åreut crexhou so on tonea. F. bancal, cagneux, tortu. >> awè des crons doets: haper åjheymint les cayets des ôtes. rl a: [[Motî:cron-doet|cron-doet]]. F. voleur, pikpocket. >> fé l' cron doet: ramasser ene paile avou l' dos di l' erî-doet. rl a: [[Motî:raeziner|raeziner]]. >> cron fortchet: [[Motî:havet|havet]] (fotche a rployés dints). On dit eto: [[Motî:hé 2|hé]], [[Motî:cro|cro]], [[Motî:turbet|turbet]]. 3. toirdou (owe). El baston est tot cron; ene pîce di bos tote crombe. Divant d' atchter on manche di hatche, fåt bén rwaitî s' i n' est nén cron ([[P. Defagne]]). On dit eto: [[Motî:crawieus|crawieus]]. F. tordu, tortu, bancal, bancroche, contrefait. >> fé ene crombe boke: crawyî del boke, pask' on n' est nén binåjhe. 4. nén droet. On dit eto: crawieus. On cron tchmin. F. tortueux. >> avou s' cou tot cron: honteus, djinné. Cwand dj' lyi a yeu dit ses cwate verités, el faleut vir sôrti avou s' cou tot cron (P. Defagne). F. gêné, penaud, humilié, interdit, la queue entre les pattes. >> Crontchamp: no d' ene plaece di [[Motî:Francortchamp|Francortchamp]]. 5. [[Motî:rabodrou|rabodrou]]. On dit eto: [[Motî:crontchou|crontchou]]. F. ramassé, trapu. 6. nén djusse, nén vraiy, nén comifåt. >> crombe comission: fåsse [[Motî:comission|comission]]. Nos avéns des djins: elle a vnou fé ene crombe comission po vir kî çki c' esteut ([[P. Defagne]]). >> crombe djesse: djesse nén comifåt. I n' fåt nén fé des crombès djesses E dansant el tango walon (R. Hancre, tchanté pa [[Bob Dechamps]]). F. geste suspect, louche, déplacé. 7. (dins ene fråze di noyaedje): nén l' pus ptit(e), nén on fayé. F. pas le moindre, foutu, pas un sacré. >> Èn pus awè on cron liård, ene crombe djigue: èn pus aveur ene fayêye [[Motî:mastoke|mastoke]]. F. le moindre sou. >> èn nén cnoxhe ene crombe lete: èn saveur ni lére ni scrire. F. ignorant, illettré, analphabète. 8. (mot d' éndjolisse) ki n' est pus come ça divreut esse, tot cåzant d' on fitchî, d' ene plactêye, pask' i gn a des bokets ki s' ont pierdou ou ki ds ôtes s' ont vnou stitchî dvins. Dji n' a savou lére vosse fitchî, il esteut tot cron. Les prumirès tchikes di Pentium fabrikêyes pa Intel avént on bug ki fjheut ki l' precizion d' cårculaedje esteut crombe cwand on fjheut ene operåcion di pårtaedje e coma flotant (fdiv). ([[P. Sarachaga]]). F. corrompu. Ingl. corrupted. II. [adv.] di triviè. I rote cron: il a les djambes toirdowes. T' as côpé tot cron. I s' tént todi tot cron. Nosse pemî a crexhou tot cron ([[P. Defagne]]). F. de travers. >> awè les iys ki rwaitèt cron: vey [[Motî:bablou|bablou]]. III. [o.f.n.] [[Motî:emantcheu|emantcheu]]. Cwand i djouwe ås cåtes, i fåt todi k' i fwaiye el cron ([[F. Deprêtre et N. Nopère]]). On dit eto: crombin. F. tricheur, voleur, escroc. IV. Cron, Crombe [n.dj.] såvadje no. Disfondowes: cron, crombe, cronk. Etimolodjeye: [[etimolodjeye tîxhone|tîxhon]] krom, krumm (minme sinse). | crombin, crombinne I. [o.f.n.] 1. li ci (cene) k' est cron (crombe). C' est ene pitite crombinne. Ké ptit crombin ! Il a ene djambe pus coûte ki l' ôte: elle a dmoré crombinne di si accidint ([[F. Deprêtre et N. Nopère]]). Frè-t on des bén-stampés avou tos les crombins ? ([[W. Bal]]). On dit eto: [[Motî:crawieus|crawieus]], [[Motî:xhalé|xhalé]], [[Motî:croufieus|croufieus]]. F. bancal, tordu, difforme, boiteux. 2. onk (ene) k' emantche les ôtes. F. faussaire, tricheur, malhonnête. Dji n' mi fiye nén a lu: c' est on crombin ([[P. Defagne]]). C' est on crombin: i s' a fwait fote a l' ouxh del banke ([[A. Balle]]). II. [addj.] cron, crombe. C' est onk avou des crombinnès djambes. F. arquée. Disfondowes: crombin, crombin.ne, crombène. Coinrece [[Coûtchant walon]]. Mots d' aplacaedje: * [[Motî:cron-bresse|cron-bresse]] * [[Motî:cronzoxh|cronzoxh, cronzoxhea]] * [[Motî:Coronmouze|Coronmouze]] * [[Motî:cron-pî|cron-pî]] * [[Motî:cron-doet|cron-doet]] * [[Motî:ricrombyî|ricrombyî]] Ôte parintêye: * [[Motî:crombyî|crombyî, crombeye, crombireye]] Mot d' acmaxhaedje * [[Motî:crontchou|crontchou, crontchete]]