cropi ([[Codjowaedje minti|codjowaedje]]) [v.s.c.] 1. dimorer el minme plaece, tot djåzant d' ene aiwe. C' est d' l' aiwe ki crope la dispu cwand ? F. stagner, croupir. 2. dimorer lontins el minme plaece, tot djåzant d' ene djin. I va co vni cropi vaici tote li shijhe. Vola ene eure ki ns cropans a l' rawårder ([[Motî d' Vervî|J. Wisimus]]). F. croupir, s'éterniser. >> cropi (evoye): [[Motî:tårdjî|tårdjî]] evoye, èn nén rivni raddimint e s' måjhone. Wice a-t i cropi ? F. tarder, s'attarder, traîner. >> i n' crope nén so ses oûs: i n' dimeure nén a rén. F. actif, laborieux, agissant, ne s'endort pas sur ses lauriers. >> cropi so ses cindes: esse [[Motî:nawe|nawe]]. Loukîz a: [[Motî:crope-ezès-cindes|crope-ezès-cindes]]. F. fainéanter, paresser. 3. (pus stroetmint) dimorer e s' måjhone, el coulêye, sins rén fé. F. croupir, s'encroûter, se scléroser, végéter. >> cropi e s' cou: dimorer e cou do feu. 4. dimorer dins les minmes mousmints. I crope el minme tchimijhe des moes å long ([[Motî d' Vervî|J. Wisimus]]). F. croupir, moisir. 5. [[Motî:djômyî|djômyî]] (tot djåzant do feu). F. couver. 6. bodjî tot ridant so tere. F. ramper. Disfondowes: cropi, cropë, crôpi, croupi, cropu, croupu. Etimolodjeye: [[vî lussimbordjwès]] "kruppa" (croupe do tchvå). | cropaedje [o.n.] 1. no d' fijhaedje et no di çou k' est fwait (accion eyet si adierça) pol viebe "cropi". F. croupissement, attente. >> cropaedje el måjhone: dimorance fofer e s' måjhone. F. sédentarité. 2. plaece k' on-z î cropit (k' on ratind). F. salle d'attente. 3. ancyinne taeye k' on payive po-z aveur li droet di håyner ses martchandeyes so ene fôre, on martchî. F. taxe d'étalage. | cropant, cropante [addj., purade padvant] ki cropit (ki doime, ki n' court nén), tot djåzant d' ene aiwe. F. stagnant, croupissant. >> cropante aiwe: [[Motî:basse 2|basse]]. On bwès k' a dmoré el cropante aiwe est tot essoncné ([[L. Remacle]]). F. mare. | cropeu, cropeuse u cropresse [o.f.n.] 1. (cropeu d' coulêye) li ci (cene) ki crope e s' måjhone. Loukîz a: [[Motî:crope-el-coulêye|crope-el-coulêye]]. F. casanier. 2. li ci ki n' vout nén ndaler d' on cåbaret, d' ene shijhe, d' on posse administratif, evnd. "Li cropeu", c' est l' tite del novele da J.M. Masset: c' est onk ki n' vout nén-z eraler coûtchî li dierinne shijhe do cwarmea d' Måmdey. F. pilier de café, employé inamovible. | cropet I. [o.n.] onk ki n' est nén foirt grand. F. nain. II. [n.dj.] [[Motî:sobricot|no sobricot]]. Amon l' Cropet, li fi då Cropet. | cropete [f.n.] 1. [sovint pluriyal] sôre di feve ki n' crexhe waire. On dit eto: [[Motî:ninte|ninte]], [[Motî:bassete|bassete]], [[Motî:covete|covete]], [[Motî:covresse|covresse]]. F. haricot nain. 2. a cropete [advierbire] ascropou. Loukîz a: [[Motî:ascwati|ascwati]]. On ridéve sol nive a cropete. F. à croupetons. >> si mete a cropete: si baxhî, cåzu ascropou. Les passîs s' metnut a cropete po ratinde el bale ([[A. Balle]]). On dit eto: [[Motî:crocrope|a crocrope]]. | cropon [o.n.] 1. boket d' bwès ki broûle. Loukîz a: [[Motî:wåmea|wåmea]]. F. tison enflammé. 2. sôre di plante ki rexhe dilé les fontinnes. F. cresson. Parintêye : * [[Motî:ascropi|ascropi]] * [[Motî:cropiner|cropiner]] * [[Motî:cropter|cropter]] Mots d' aplacaedje : * [[Motî:crocrope|crocrope]] * [[Motî:crope-ezès-cindes|crope-ezès-cindes]] * [[Motî:crope-el-coulêye|crope-el-coulêye]] * [[Motî:crope-e-tere|crope-e-tere]], [[Motî:cropetere|cropetere]] * [[Motî:cropecinde|cropecinde]] Minme sourdant etimolodjike : * [[Motî:cropixhmint|cropixhmint]] * [[Motî:croupe|croupe, croupî, croupire, croupion]] ---- * [[cropetes (nintes)|Dipus d' racsegnes so les cropetes (feves)]]. * [[cropon des fontinnes|Dipus d' racsegnes sol cropon des fontinnes]]. * [[Jean-Marie Masset|"Li cropeu", c' est l' tite d' on ptit roman da Djhan-Mareye Masset]]. * [[fås amisse|Li viebe "cropi" e walon n' est nén del minme troke di codjowaedje kel viebe "croupir" e francès]].