crou 1, crowe 1 [addj., todi padvant] frexh, avou bråmint d' wapeur d' aiwe, tot djåzant d' ene plaece, di l' air. I fwait télmint crou k' gn a tot ki tchamosse (L. Pirsoul). On dit eto: mate. F. humide. >> fé crou: fé on tins avou brint del crouweur dins l' air. Loukîz a : crouwi.

| crouweur [f.n.] çou ki rind ene plaece crowe. Si vos metoz vosse toubak al crouweur, i va tchamossî (J. Coppens). On dit eto: frexheur, mateur. F. humidité.

| crouwin 2 [o.n.] crouweur. On sinteut ddja l' crouwin ki montéve foû d' tere et ki rafroexhixheut tot doûçmint mes mousseures (Guillaume Smal). F. humidité. >> li crouwin houke li plouve: cwand i fwait crou, c' est k' il est po ploure. Adon, come on bouneur n' arive djamåy tot seu, Ki l' crouwin houke li plouve et k' l' årdjint amoenne l' ôr, ...(E. Michel).

| crouwasse [addj., purade padvant] crou et mannet. E plin ivier tot est gris et crouwasse (J. Selvais). F. désagréablement humide.

| crouwåd [o.n.] crowe plaece, avou des broûs. On dit eto frexhåd. F. zone humide.

Parintêye :

• crouwi
• acrouwi
• racrouwi

Mots d' aplacaedje :

• croufier

Omonimeye :

• crou 2 (nén cût)

Dipus d' racsegne sol tås d' crouweur