ene curêye, c' est vormint çou k' i gn a dins l' cur; vochal, gn a pus k' les oxheas

curêye [f.n.]

1. crevêye biesse. Gn aveut deus dijhinnes di tchéns ratroplés åtoû d' ene curêye di tchvå. Kissemêyes håre et hote, des curêyes di tchamôs, totes etires, souwêyes come des catches e for, avou leus flouwis ouys, refoncîs e leus trôs, et, leus poyowès peas tinkieyes so l' oxhea d' leus coisses (J.P. Dumont). F. cadavre, carcasse.

2. coir d' ene djin k' est moite. Calvin esteut on tchenonne Et Luther, on dbåtchî moenne; Å diale les coirnêyes Atot leus curêyes ! (Bate di dvize inte on catolike ey on protestant). Bråmint d' leus frés n' ont nén avou ç' tchance la, et po l' djoû d' ouy, leus curêyes ecråxhèt les rodjes viers (J.P. Dumont). F. dépouille (mortelle), cadavre, ossements, reste.

3. (traitant) djin k' on n' inme nén. Lorint ni vna pus el måjhon, et n' hanta pus avou leu Julia, et i s' maria avou ene des Tîxhes, ene grand curêye ki lyi frè vey li diale tote si veye (A. Lenfant). Li veye est ene curêye ! dit-st i al moxhe ki coreut åtoû d' on ptit potea d' bire sol canliyete; åy, ene curêye, vormint ! (J.M. Masset). Loukîz a: tcharogne. F. salope, charogne, pourriture.

4. mwinre biesse. Si on n' mete pont d' ecråxhe so les waides, al fén del campagne, les biesses seront come des curêyes (L. Baijot). F. carcasse, charogne, animal cachectique, squelette.

5. (tot djåzant å rvier) boune curêye : bråve djin. Oyi, l' boune poere, li boune curêye, Elle a moenné ene pôve vicåreye (Simon li Scrinî). F. brâve, bonne poire.

Disfondowes

cûrêye, cûrèye, keurîe <ref>El Basse Årdene, eployî pa Louis Baijot, skepyî a Bayamont.