[[Imådje:cureye2.jpg|thumb|140px|ene curêye, c' est vormint çou k' i gn a dins l' cur; vochal, gn a pus k' les oxheas]]
<FONT COLOR="#ff0000"><B>curêye</B></FONT>&nbsp;<ref><SMALL>Li [[rfondaedje]] shût l' mwaisse intrêye do [[Motî da Haust]], ki s' pout espliker åjheymint pal [[cawete -êye]]. Portant les disfondowes dimandrént purade "cureye", [[pårticipe erirece]] sustantivé d' on forveyou viebe "curyî" (dandjreus : rissaetchî l' cur d' ene crevêye biesse). Li sinse sereut adon : "crevêye biesse k' on lyi a rsaetchî l' cur".</SMALL></ref> [f.n.] 

<B>1.</B> crevêye biesse. <I>Gn aveut deus dijhinnes di tchéns ratroplés åtoû d'&nbsp;ene curêye di tchvå.</I> <I>Kissemêyes håre et hote, des curêyes di tchamôs, totes etires, souwêyes come des catches e for, avou leus flouwis ouys, refoncîs e leus trôs, et, leus poyowès peas tinkieyes so l' oxhea d' leus coisses </I>([[J.P. Dumont]]). <span lang=fr>F. cadavre, carcasse.</span> 
<FONT COLOR="#0000ff">>>&nbsp;flairant come ene curêye:</FONT> ki flaire foirt. On dit eto : come on [[Motî:vexhåd|vexhåd]]. <span lang=fr>F. puant.</span> 

<B>2.</B> coir d' ene djin k' est moite. <I>Calvin esteut on tchenonne Et Luther, on disbåtchî moenne; Å diale les coirnêyes Atot leus curêyes ! </I>([[Bate di dvize inte on catolike ey on protestant (diyaloke)|Bate di dvize inte on catolike ey on protestant]]). <I>Bråmint d' leus frés n' ont nén avou ç' tchance la, et po l' djoû d' ouy, leus curêyes ecråxhèt les rodjes viers </I>([[J.P. Dumont]]). Loukîz a: [[Motî:dispouye|dispouye]], [[Motî:coir|coir]], [[Motî:cadåve|cadåve]]. <span lang=fr>F. dépouille (mortelle), corps (sans vie), cadavre, ossements, reste.</span> 

<B>3.</B> (traitant) djin k'&nbsp;on n'&nbsp;inme nén. <I>Lorint ni vna pus el måjhon, et n' hanta pus avou leu Julia, et i s' maria avou ene des Tîxhes, ene grand curêye ki lyi frè vey li diale tote si veye </I>([[A. Lenfant]]). <I>Li veye est ene curêye&nbsp;! dit-st i al moxhe ki coreut åtoû d'&nbsp;on ptit potea d'&nbsp;bire sol candliete; åy, ene curêye, vormint&nbsp;!</I> ([[J.M. Masset]]). Loukîz a: [[Motî:tcharogne|tcharogne]]. <span lang=fr>F. salope, charogne, pourriture;, personne abjecte.</span> 

<B>4.</B> [[Motî:mwinre|mwinre]] biesse. <I>Si on n' mete pont d' ecråxhe so les waides, al fén del campagne, les biesses seront come des curêyes </I>([[L. Baijot]]). Loukîz a : [[Motî:escavetche|escavetche]], [[Motî:carcan|carcan]]. <span lang=fr>F. carcasse, charogne, animal cachectique, squelette.</span>  

<B>5.</B> (tot djåzant å rvier) <FONT COLOR="#ff0000">boune curêye</FONT> : bråve djin. <I>Oyi, l' boune poere, li boune curêye, Elle a moenné ene pôve vicåreye </I>([[Simon li Scrinî]]). <span lang=fr>F. brâve, bonne poire.</span> 

== Etimolodjeye & tcherpetaedje ==
bodje "[[Motî:cur|cur]]", [[cawete -êye]] (çou k'&nbsp;gn a dins l'&nbsp;cur).&nbsp;<ref><SMALL>[[FEW]] '''2''', 1187a (''corium'').</SMALL></ref> 

== Disfondowes ==
<span lang=wa-feller><FONT COLOR="#800080">cûrêye</FONT>, cûrèye, keurîe.</span>&nbsp;<ref><SMALL>Nén dins les motîs; eployî pa [[Louis Baijot]], skepyî a [[Bayamont]].</ref></SMALL>

== Sicrijhas ezès motîs == 
cûrêye [E1], cûrèye [E1, S0, J. Willem, ''Dictionnaire des rimes wallonnes'', 1900], keurîe [S109], curie [S100]&nbsp;<ref><SMALL>Loukîz al [[djivêye des motîs]].</SMALL></ref>

== Sourdant ==
<references/>