cwårt [o.n.] 1. boket k' on-z a cwand on pårtixh ene sacwè e cwate. >> on cwårt di djoû: li cwårt d' ene djournêye d' ovraedje. >> on cwårt d' eure: cwénze munutes. I soune li cwårt. >> passer on laid cwårt d' eure: aveur on mwais moumint (tot estant seré). >> dji t' frè passer on laid cwårt d' eure: dijhêye po mancî ene sakî. >> li cwårt di deus eures; u: li cwårt po deus eures; u: on cwårt d' eure po deus eures; u: on cwårt d' eure divant deus eures; u: deus eures moens l' cwårt: 1 e. 45. >> deus eures et cwårt u: deus eures on cwårt; u: on cwårt d' eure après deus eures: 2 e. 15. >> pol cwårt d' eure: pol moumint. Pol cwårt d' eure, leyoz Tonete e påye ([[M. Peclers]]). >> les troes cwårts: 3/4. >> les troes cwårts do tins: å pus sovint. F. généralement, habituellement, d'ordinaire. >> I fwait tot ås troes cwårts: i n' finixh måy si ovraedje. 2. (v.v.m.) mezeure d' on cwårt d' ene sacwè, copurade. a) pîce d' on cwårt di patår. b) pîce di tchamp d' on cwårt di djournå (on pô moens ki shijh åres). Il ont planté on cwårt di crompires. c) botaye d' on cwårt di lite. Tinoz, la l' peket; gn a tchaeconk on dmey cwårt, nén dpus, la ([[N. Outer]]). Di ç' tins la, on boeveut des cwårts, des ptitès boteyes d' on cwårt di lite di bire.. rl a: [[Motî:cwårlet|cwårlet]]. | cwårtî [o.n.] 1. boket d' ene sacwè côpêye e cwate. Prindoz co on cwårtî d' dorêye. A l' abatwer, on discôpe li biesse e cwate cwårtîs. Li pés d' ene vatche a cwate cwårtîs. 2. pitit boket d' ene ronde sacwè, côpêye del minme manire ki po fé des bokets d' on cwårt. 3. termene d' a pô près ene samwinne dins l' moes del lune. Li lune est e s' prumî cwårtî; e s' dierin cwårtî. 4. gros boket ki s' dismantche d' ene masse. Gn a-st avou on cwårtî d' rotche ki s' a distaetchî ([[M. Francard]]). 5. lodjmint avou sacwants plaeces, metou dins ene pus grande måjhon. Asteure, les cwårtîs libes sont vormint pus råles ki les bråvès djins ([[J. Duysenx]]). On-z a rnetyî l' cwårtî do vijhén ([[M. Francard]]). F. appartement. 6. coulot (boket d' veye). Cwand dji vs ô cåzer di vosse vî cwårtî, dji vos sins bén anoyeus ([[C. Massaux]]). Dji vs cåze do cwårtî do Fayi, å Bork ([[E. Pècheur]]). 7. so cwårtî: pôzucion d' on rond bwès k' on-z a ddja metou deus bokets droets. >> bwès so cwårtî: plantches di tchinnes u d' sapén. >> mete a cwårtî: el soyreye, soyî l' åbe so deus costés, å grand ruban. >> finde so cwårtî: mete li cougnet inte li schoice et l' cour po rfinde les grossès schenes. >> soyî so cwårtî (mot d' soyeu): dibiter ene tronce dins ene soyreye, après l' aveur côpé e cwate. rl a: cwåtler, discwåtler. Disfondowes: cwaurtî, cwârtî, caurtî, cârtî, cartî, carti, cartiyé, cârtché, cârtié, cârtiè, cartiè, miersipepieuzmint e l' [[A.L.W.]] 3, notûle 14. Parintêye: * [[Motî:cwår|cwår]] * [[Motî:cwåtler|cwåtler]] * [[Motî:cwåte|cwåte]] --- * [[eure|Dipus d' racsegnes sol lijhaedje des eures e walon]]. * [[bokion|finde so cwårtî, dins l' ovraedje des bokions]] * [[soyreye|mete so cwårtî, dins l' ovraedje des soyreyes]]