{{Wiccionaire-motî|cwårt}}
cwårt [o.n.]
1. boket k' on-z a cwand on pårtixh ene sacwè e cwate.
>> on cwårt di djoû: li cwårt d' ene djournêye d' ovraedje.
>> on cwårt d' eure: cwénze munutes. I soune li cwårt.
>> passer on laid cwårt d' eure: aveur on mwais moumint (tot estant seré).
>> dji t' frè passer on laid cwårt d' eure: dijhêye po mancî ene sakî.
>> li cwårt di deus eures; u:
li cwårt po deus eures; u:
on cwårt d' eure po deus eures; u:
on cwårt d' eure divant deus eures; u:
deus eures moens l' cwårt: 1 e. 45.
>> deus eures et cwårt u:
deus eures on cwårt; u:
on cwårt d' eure après deus eures: 2 e. 15.
>> pol cwårt d' eure: pol moumint. Pol cwårt d' eure, leyoz Tonete e påye ([[M. Peclers]]).
>> les troes cwårts: 3/4.
>> les troes cwårts do tins: å pus sovint. F. généralement, habituellement, d'ordinaire.
>> I fwait tot ås troes cwårts: i n' finixh måy si ovraedje.
2. (v.v.m.) muzeure d' on cwårt d' ene sacwè, copurade.
a) pîce d' on cwårt di patår.
b) pîce di tchamp d' on cwårt di djournå (on pô moens ki shijh åres). Il ont planté on cwårt di crompires. c) botaye d' on cwårt di lite. Tinoz, la l' peket; gn a tchaeconk on dmey cwårt, nén dpus, la ([[N. Outer]]). Di ç' tins la, on boeveut des cwårts, des ptitès boteyes d' on cwårt di lite di bire.. rl a: [[Motî:cwårlet|cwårlet]].
Parintêye:
* [[Motî:cwårtî|cwårtî]]
* [[Motî:cwåtler|cwåtler]]
* [[Motî:cwåte|cwåte]]
* [[Motî:cwår|cwår]]
* [[Motî:cwårlet|cwårlet]].
----
* [[eure|Dipus d' racsegnes sol lijhaedje des eures e walon]]