dåripete [f.n.] a dåripete: å diale, on n' sait eyou. >> esse (todi, tofer) (evoye) a dåripete: esse todi so voye, so tchmin; esse tofer avå les voyes. L' Ive Gourdin, c' est èn amoreus di s' pitit payis d' Bietris, todi a dåripete avårla, a tchvå so s' motorete (Calpins d' èn avinturî). Ene vagonêye d' ovrîs walons, k' avént sintou l' agnon tins do voyaedje el Pologne, dischindît do trin a Minsk, el Blanke Rûsseye, et burlander, a dåripete eviè Kiev et Odessa, po vni, a l' alfén, ridjonde les Walons del Crimêye (L. Mahin). Disfondowes: dauripète. Tch. dauripette. Etimolodjeye: mot d' acolaedje d' ene dijhêye: e dåre et pete (i court tofer, il est la asteure et on moumint après, i n' est pus la). Coinrece Basse-Årdene.