diale 1 I. [o.n.] 1. diale u Diale: dins les rlidjons crustinne, islamike, djwive, grand rprezintant do Må, eneviè l' Bon Diu unike, riprezintant do Bén. Li Diale voleut språtchî l' eglijhe et ls eclôsses di Ståvleu (J. Brumioul). Dins totes les ratourneures sol diale, c' est byin råle k' on l' mostere k' assaetche les djins lon erî do Bon Diu (J. Selvais). Dins l' tuzance mawometante, on n' houcreut måy li diale, po taper des mwais sôrts: c' est todi å no do Bon Diu, et tot scrijhant des bokets d' Alcoran (L. Mahin). Li swè-dijhant åcolete, c' esteut l' diale ki s' aveut moussî e sacristin (A. Daudet, rat. pa P.H. Thomsin). rl a: [[Motî:demon|demon]], [[Motî:metchant|Metchant]], [[Motî:malén|Malén]], [[Motî:Tatiche|Noer Tatiche]], [[Motî:Zidôre|Pitit Zidôre]], rl a: [[Motî:mwin-do-Bon-Diu-et-pî-do-diale|mwin-do-Bon-Diu-et-pî-do-diale]], [[Motî:Voye do Diale|Voye do Diale]], [[Motî:nodidiale|nodidiale]]. F. diable. Ingl. devil. Arabe: ech-chaytan. Ratourneures sol diale: a) po fé avou lu: >> fé martchî; u: paker; u: fé paket avou l' diale; u: vinde si åme å diale; u: fé avou l' diale: promete si åme å diale après ene termene ki vs åroz tot çou ki vs lyi dmandez. Cwand il a coprin k' i vneut d' fé martchî avou l' diale, li cinsî a stî tot disnorté (G. Lucy). F. faire un pacte. >> L' [[Motî:ônea|ônea°]] erprotche å frinne d' aveur vindou si åme å diale por lu polou broûler vete. b) avou "å diale": >> peter å diale: cori evoye. >> evoyî ene sakî å diale; u: å diale et co pus lon: l' evoyî evoye. F. envoyer se faire pendre. >> Va-st å diale: dijhêye po s' dishaler d' ene sakî. >> evoyî ene sacwè å diale: èn pus sayî d' ariver a l' rifé, a l' remantchî. F. laisser tomber. >> fote l' [[Motî:avarice|avarice°]] å diale. c) po dire "bråmint, foirt": >> on brut d' diale: bråmint do brut. >> ki l' diale: foirt. Il est maigue ki l' diale. Dj' a ene crevåde å talon; ça fwait må ki l' diale. d) cåzant del sutisté: >> Il est pus [[Motî:malén|malén°]] ki l' diale. >> Si l' diale est pus [[Motî:malén|malén°]] k' lu, c' est k' il est pu vî. >> il a on toû di pus ki l' diale: il est foirt malén. e) cåzant des cwårs: >> li diale tchait todi so l' pus gros moncea: les cis k' ont ddja des cwårs, c' est co zels k' ont totes les tchances po nd aveur todi dpus. >> lodjî l' diale e s' boûsse; u: saetchî l' diale pal cawe: esse pôve. >> pus a l' diale, pus vout i aveur: dijheye po onk ki vout todi esse pus ritche. >> esse diale po les cwårs: esse pice-crosse (rapia). F. avare. f) di movmint: >> cori come onk k' a l' diale e s' cou: foirt raddimint. >> si ctaper come on diale dins on benitî: si ctaper dins tos les sinses. F. se démener comme un beau diable. >> aveur li diale e coir: esse malåjhey ådla, tot cåzant d' èn efant. rl a: [[Motî:diale-e-coir|diale-e-coir]]. g) ki siervèt pol croejhete (sinonimes di "parey", "probåbe"): >> c' est todi l' minme diale; u: c' est todi l' minme diale, dit-st i l' martchand d' bondius: c' est parey. rl a: [[Motî:Piron|Piron]]. Franwal: ahåyant po: "c'est du pareil au même". >> C' est bén l' diale s' i gn a pont: ci sereut merveye s' i gn a pont = end årè. I leye ses åmayes eshonne e paxhi avou ls åmeas; c' est bén l' diale s' i gn a pont d' plinnes divant waire ! F. il est probable que (+ positif). h) po djåzer d' ene sacwè målåjheye: >> ostant pingnî on diale ki n' a pont di tchveas: dijhêye po åk di nén possibe. >> est çki t' tignréves bén on diale ki n' a pont di tchveas ?: on n' såreut fé l' impossibe. >> ci n' est nén l' diale: ci n' est nén målåjhey. Franwal: ahåyant po: "ce n'est pas sorcier". >> c' est on mestî ki l' diale n' a nén volou fé: c' est on målåjhey mestî. >> On fwait pa des côps (u: sovint) li diale pus laid (u: pus noer) k' i n' est: on croet ene sacwè pus målåjheye k' ele n' est. F. exagérer. i) dins des criyaedjes: >> Diale m' ancate u: diale m' evole: mostere k' on-z est sbaré, k' on n' croet nén çou k' on dit. >> Ki l' diale åye (ene sacwè); u: sohaitî (ene sacwè) å diale: dijhêye po åk k' on n' voet nén voltî. Les araedjîs avou leu påye, K' i lomèt d' Fexhe et ki l' diale åye (Marian de Saint-Antoine). Ossu, a poenne esteut i la d' ene hapêye k' i sohaitive les carnavåls å diale (V. Carpentier). >> Ki l' diale åye; u: apice (ene sakî): dijhêye po ene djin k' on n' voet nén voltî. >> Ki l' diale t' apice: reponse po rire cwand on vs dit "Ki l' Bon Diu vs benixhe" cwand on-z a stierni. j) po fé sogne: >> on direut k' i (elle) a veyou l' diale moussî e sôdård: il est tot reyusse (sibaré). F. éberlué(e). >> biesse do diale: biesses ki n' egzistèt nén so tere, et vos vlèt do må. Dj' a veyou des biesses do diale ki sbrotchént d' tere come des molons wôr del viye tchå, pattavå l' payis ! (J.F. Brackman). rl a: [[Motî:apocalipe|apocalipe]]. F. créature diabolique. >> esse noer come li diale: esse tot mannet. >> i s' fote do diale et co do martchand: i nd a d' keure; i s' fote di totafwait. F. il se fiche de tout. k) po djåzer d' on toursiveus: >> dji n' mi feye nén dpus a li k' å diale: dji m' è dmefeye. >> si cfesser å diale: dire ene sacwè k' on-z a må fwait a ene djin k' el va aler raconter. >> magneu d' bon Diu et tchiyåd d' diale: fås-vizaedje. F. hypocrite. >> cwand l' diale divént vî, i s' fwait ermite: ça a l' air d' esse on bråve, mins dimefeye tu todi d' lu. l) dins des spots sol tins: >> Cwand k' i [[Motî:ploure|ploût°]] et ki l' solea lût, c' est k' el diale mareye ès feye. >> apus k' i n' tchaiye des diales avou des cawes d' oronde: a) såf s' i fwait on tins d' tchén (on foirt mwais tins); b) såf s' il arive åk k' on n' s' î atind nén. F. sauf imprévu. m) cåzant des coines: >> on diale, si diale fouxhe-t i, ni sait catchî ses coines: on malén, ki catche ses dfåts, ni les såreut catchî advitam. >> S' il a magnî l' diale, k' i magne pår les [[Motî:coine 1|coines°]]. n) po djåzer di moirt u d' broyaedje: >> esse po l' diale: a) esse codåné(êye) a mori. b) po ene sacwè ki s' va broyî. F. condamné(e). w) dins des rimas: >> Å galop, galopea, li diale vs årè pa vos dijh årteas: dijhêye po fé cori evoye èn efant k' est a damaedje. >> a [[Motî:Marcour|Marcour°]] (u a [[Motî:Our|Our°]]), li diale î court... x) dins l' no di des plaeces del Walonreye: >> Li lét do Diale: no d' ene plaece di Wérisse. 2. andje d' [[Motî:infier|infier]]. Ele si houtdina pus d' on côp a on diale k' on loméve Robiet (G. Houziaux, saetchi des vî papîs so les procès des macrales di Cele et Furfô). >> di tos les diales: dijhêye po ene sacwè ki va foirt. I fjhént on roumdoudoum di tos les diales. F. extraordinaire. >> on tins d' tos les diales: on foirt mwais tins. >> evoyî ås cwate cints diales u: ås set cints diales, u ås trinte shijh meye diales: evoyî (ene sakî, ene sacwè) å diale. >> esse evoye ås cwate cints diale, u: ås cénk cints diales lon: esse evoye foirt å lon. rl a: [[Motî:ziverkôfs|ziverkôfs]]. >> pitit diale: creyateure ki n' est nén èn ome, mins nén on diale tipike. rl a: [[Motî:dûhon|dûhon]], [[Motî:pépé|pépé]]. F. diablotin, génie (malfaisant). arabe: djinn. 3. djin: a) malåjhey efant. rl a: [[Motî:arnåjhe|arnåjhe]]. F. diablotin, espiègle, démon. >> diale a cotes: målåjheye båshele. rl a: dialresse. F. diablesse. b) målåjhey ome. F. diable. >> sint å [[Motî:cafè|cafè°]], diale el måjhon; [[Motî:Bon Diu|Bon° Diu]] d' rowes, Diale di måjhone. c) pôve diale: pôve ome. F. pauvre bougre, misérable. II. [no addjectivrece] 1. malåjhey, po èn efant. Ni soeyoz nén don si diales ! rl a: [[Motî:arnåjhe|arnåjhe]]. 2. laid tot cåzant d' on må. Ci côp ci c' esteut on må pus diale (C. Denis). rl a: [[Motî:malén|malén]]. F. grave, redoutable, sérieux. III. [mot-criya] mostere li sbarmint. Sapinse li rwè cwand les voeya Ki, diale, kés borguimwaisses vola (viye paskeye di 1675, eplaideye pa G. Hennen). Disfondowes: diâle, djâle, djale, diale, diâpe, djâpe, djabe, djâbe. Etimolodjeye: calcaedje sol tård do latén d' eglijhe "diabolum"; rl a: [[Motî:ôle|ôle]]. | dialresse [f.n.] diale feme. Disfondowes: diâlresse, djâlresse. | dialmint u dialdimint [adv.] foirt. I fwait dialdimint mwais. Li voye est dialdimint longue. rl a: [[Motî:fameuzmint|fameuzmint]], [[Motî:rudmint|rudmint]], [[Motî:demoné|demoné]]. F. diantrement, diablement. Disfondowes: diâldimint, diam'dumint, diâlmint, djâldumint, diâldèmint, djâpmint, djâldumèt, djâlmint, djâldimint. | dialreye [f.n.] [[Motî:biestreye|biestreye]], laid toû, [[Motî:marimince|marimince]]. F. diablerie. Omonimeye: * [[Motî:diale 2|diale]] (o.n.; usteye)