disploumer (codjowaedje) u disploumter (codjowaedje) si displometer vpr se déplumer vpr perdre ses plumes expr duploum'ter [E21] I. [v.c.] ploumer, dj' ô bén :

1. rissaetchî les plomes a. Ploumer ene poye, on pidjon. C' est nén rén do disploumter des ptits oujheas. F. déplumer, plumer.

2. rissaetchî les foyes, les fleurs, les fruts. Li bijhe disploumtêye les coxheas. Vos avoz co stî disploumter mes rôzîs F. effeuiller, dégarnir.

3. prinde tos les cwårs da. I s' a fwait disploumter ås bêyes. Tot djouwant avou les cwårs di s' patron, i displome li banke del royinne d' Inglutere et fé tronner les martchîs ås tites dins l' monde etir (L. Mahin). Loukîz a : emantchî. F. plumer, dépouiller, déposséder, escroquer.

II. si disploumer [v.pr.]

1. wayimer (piede ses plomes, al såjhon u a cåze di programes d' aclecaedje, tot djåzant des poyes et ds ôtes oujheas. Dj' estans al såjhon k' les poyes si disploumèt. F. muer.

2. piede ses foyes å waeyén-tins tot djåzant des åbes. Avou l' djalêye, les foyes des åbes ont stî flaneyes, mins l' nute k' a tant shoflé, il ont stî tot disploumés (L. Nisen). F. se défeuiller.

3. piede ses tchveas. Waite on pô, dji m' displome tot. F. se dégarnir.

| disploumé, disploumêye [addj., purade padvant]

1. sins plomes. F. en phase de mue.

2. sins foyes, sins tchveas. tot djåzant d' èn åbe a l' ivier.

3. tchenou, -owe, pelake (k' a pierdou tos ses tchveas). I n' a k' cwarante ans et il est ddja tot disploumé. F. chauve.

4. (må) arindjî, -eye. On dit eto: dilofré, eburtaké, emantchî, må atelé. F. en piteux état, dans de vilains draps.

| disploumaedje u disploumtaedje [o.n.] no d' fijhaedje et no di çou k' est fwait (accion eyet si adierça) po les viebes "disploumer" et "si disploumer". F. plumage, escroquerie, abus de confiance, mue, défeuillage, défeuillaison, calvitie.

• Dipus d' racsegnes sol disploumaedje des oujheas axhorés po magnî.
• Dipus d' racsegnes sol disploumaedje des poyes et des oujheas.
• Dipus d' racsegnes sol foirci disploumaedje dins les poytreyes di pounresses.
• Dipus d' racsegnes sol disploumaedje des tchveas.