Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.
Pådje : Motî:divere
Date : 2008-03-19T17:35:34Z
Uzeu : Lucyin
Messaedje :
URL : https://wa.wikipedia.org/w/index.php?oldid=123922
divere / dvere [o.n.]
1. dinrêye (å grin) so pî. Ciste anêye ci, tos les dveres sont bén assåjhnés. La on bea dvere, la ti, valet ! A l' awousse li cinsî rascoye les dveres. F. céréale. >> Djoû ° Bon Dvere: (a fé) >> Å djoû Bon Dvere, i djale et radjale, mins rén n' edjale: dijhêye meteyo, k' est kécfeye li veur, paski c' est ddja cåzu l' bontins, et ki l' djalêye n' a nén l' tins d' avinde li cour des dveres.
2. dinrêye (prodût del tere). End a dju yeu, des dveres, so ç' boket la. Les cotlîs saetchèt cwate u cénk diveres d' ene tere bén ecråxheye. F. récolte.
3. pitit dvere : verdeure so pî. On-z a mezåjhe di plouve po les ptits dveres. Ene tchôde plouve fwait brotchî foû les ptits dveres (Motî da Haust). Il a toumé ene måle mane sol tere, les ptits dveres sont-st emanés. F. légume.
4. vere (tondaedje d' ene berbis). F. tonte.
d(i)vêre, d(u)vâre, d(u)vénre.
Coinrece Payis d' Lidje