[[Image:Two English Walnuts edit.jpg|thumb|Ene djaeye, avou li schafiote, et drovowe]]
djaeye u
gaeye [f.n.] setch frut avou ene vete [[Motî:pelake|pelake]], ene deure [[Motî:eschafiote|eschafiote]] ([[Motî:schåfe|schåfe]]) et li magnåve [[Motî:nawea|nawea]], ådvins, del cogne d’ on cervea d’ djin. Et vola co des tchikes, des orandjes, des djaeyes, des coûkes di Rinse, des sint-Nicolai d' tchocolåt...([[Y. Gendarme]]). F. "noix".
>> [[Motî:bardaxhî|bardaxhî]], [[Motî:sibasner|sibasner]] u [[Motî:sibate|sibate]] les djaeyes: les fé tchaire tot tapant sol djaeyî avou on long baston. Voci l' moumint do sbate les djaeyes; li grand scårçon est a l' ovraedje ([[R. Tabareux]]). F. "gauler".
>> hårlicoté come des djaeyes dins on saetchot: [[Motî:kihossî|kihossî]] pår.
>> peter ås djaeyes: si såver (radoûcixhant di « peter å [[Motî:diale|diale]] »). Gn a ene viye hoûlote di cuzene ki vént tenawete bardouxhî dins m' manaedje, mins dji pete ås djaeyes tchaeke côp k' ele s' amoenne ([[A. Masson]]).
>> taper ås gaeyes: hiner ene sacwè sins vizer ; tchoezi sins relére. F. "au petit bonheur la chance".
>> on dene todi des djaeyes a croxhî azès cis ki n' ont pupont d' dints: dijhêye cwand ene sakî a ene sacwè ki n' s' endè sait siervi, dabôrd k' èn ôte el vôrent bén aveur mins n’ sait.
>> abate deus djaeyes d' on côp d' [[Motî:warokea|warokea]]°: adiercî deus côps d’ ene seule saye. On dit eto: [[Motî:keude|keude]] deus botons d' on côp d' aweye ; loukîz a : [[Motî:oujhea|oujhea]]. F. "faire d'une pierre deux coups".
>> Les djaeyes volrént al plantchete: dijha cwand des djins criynut foirt. Si ç' åreut yeu stî l' såjhon, les djaeyes årént seurmint volé al plantchete e-z etindant l' ban chinwès poussî pa tote el binde å dierin mot da Clodimir ([[F. Barry]]).
>> piede ses djaeyes: piede li tiesse. On dit eto: piede ses [[Motî:tåte|tåtes]]. F. "perdre la tête".
| djaeyî u
gaeyî [o.n.] åbe ås djaeyes, e sincieus latén : "Juglans regia". F. "noyer".
== Etimolodjeye et tcherpetaedje ==
;djaeye : [[Etimolodjeye latene|latén]] "gallica " ([[Motî:gålwesse|gålwesse]], dins l' ratourneure «noejhe gålwesse»; "nux gallica".
; djaeyî : [[cawete -î]]
== Parintêye ==
* [[Motî:gayete|gayete]]
==Mots d’ aplacaedje ==
* [[Motî:djaeye di coco|djaeye di coco]]
* [[Motî:croxhe-djaeye|croxhe-djaeye]]
== Disfondowes ==
;djaeye : djèye, guèye, djèle, djaye, guinle, gaye, gâye ; Pc. gôke; miersipepieuzmint el mape [[A.L.W.]] 6. 56 ey el notûle 6. 120
;djaeyî : djèyî, guèyî, djèlî, djayî, djayiè, gayî, gâyî.
== Hårdêye divintrinne ==
* [[djaeyî|Dipus d' racsegnes so les djaeyîs]]