djama [o.n.]

1. djoû d' fiesse, avou l' londi k' est eto fiesse-djoû. Dji rawårdéve come on djama li tins des åbalowes (N. Maréchal). Tot xhuflant, li Pere Noyé a atelé ses gades et tcherdjî ses djoudjouwes et ses boubounes so li sclide. - Ça vos va, Noyé ? :: Come on djonne ome, Sint-Pire. :: C' est ådjourdu l' grand djama, endon ? - Oyi. (Y. Paquet). F. grande fête, fête solennelle, solennité, grand jour. >> Les troes djamas: li djama d' Påke, li ci do l' Pintcosse et do Noyé. >> Po n' nén awè må ses dints, i n' faleut pont magnî d' tchå ås troes djamas: viye creyance. >> les troes djamas muzulmans: li ptite fiesse (fén do cwareme), li grande fiesse (touwaedje do berå), li mouloud (Noyé moslimî). >> les cwate djamas: Påke, li Céncweme (li Pintcosse), li Grande Notru-Dame et l' Noyé. >> Po n' nén awè må ses dints, on doet djuner ås cwate djamas: viye creyance. >> Ele ni reye k' ås cwate djamas: ele reye foirt waire.

2. bea mousmint, come on nd esteut rabiyî ås grandès fiesses, copurade a Påke. Vos lomez ça des vizreyes, vos, dj' endè freu co mes djamas (R. Hostin). Mi rôbe di violêye soye, c' est m' djama. F. habit de fête, costume, toilette.

3. dinêye, bistoke : a) k' on dene a ene grande fiesse b) k' on dneut dinltins å curé a Påke et a Noyé. c) ki les påkîs et les påcresses di l' anêye metént al coleke les djoûs d' grande fiesse. Loukîz a: påcaedje.

4. boune eurêye k' on fwait a ene grande fiesse. Après l' raploû, on frè on bon djama. Loukîz a: gasse. F. festin.

djama do pî di l' Årmilire_d'_Årdene

5. deus bodjes u deus coxhes k' on crexhou tot près, et ki s' ont aplaké.

Etimolodjeye

latén "<span-lang=la>geminaculum" (dobe), avou A-divnance del voyale do prumî pî.