djambe [f.n.]
1. boket do coir des djins, k' end a deus, metowes foû do bodje, et ki siervèt a roter. Loukîz a : [[Motî:skeye|skeye]]. F. jambe.
>> djambe di bwès: fåsse djambe k' on meteut dinltins azès cis ki s' avént fwait côper ene djambe.
>> c' est ene eplåsse so ene djambe di bwès: on rméde, ene muzeure politike ki n' årè pont d' efet.
>> djambe di bwès n' a pont d' oxhea: dijhêye a môde da Lapalisse, dins on [[Motî:rime-rame|rime-rame d' efants]].
>> fé bon cour so målès djambe; u:
>> mostrer bea vizaedje so mwaijhès djambes: fé les [[Motî:cwanse|cwanses]] k' on est binåjhe, dabôrd k' on n' l' est nén. F. faire contre mauvaise fortune bon cœur.
>> Ça vå mî k' ene djambe cassêye et les bokets pierdous: dijhêye cwand on-z a on måleur k' åreut polou esse pus pire. On dit eto : "c' est co on bea côp dé on [[Motî:laid|laid]]".
2. (pus stroetmint) boket do mimbe do drî des biesses ås tetes (do mimbe do dzo des djins) ki cmince å [[Motî:djno|djno]], et fini å [[Motî:djeret|djeret]] (al tchiveye po les djins). F. jambe.
3. djambe di tripe: longueur di tripe inte deus loyeures. Dji vôreu ene grosse djambe di tripe come mi man fjheut cwand on touwéve li pourcea ([[R. Viroux]]).
djambot [o.n.] [[Motî:gamén|gamén]]. On soune a l' ouxh; i va drovi; nolu ! Bawaite! ene simpe arsouyreye di djambot ([[C. Quinet]]). Tolmonde riyeut e-z etindant leus contes: des vraiy contes di djambots ([[J. Dufrane]]). Loukîz a : [[Motî:galopea|galopea]], [[Motî:roufion|roufion]], [[Motî:cårpea|cårpea]]. F. "enfant, gosse".
== Tcherpetaedje ==
bodje [[Motî:djambe 1|djambe 1]]; raptitixhante [[cawete -ot]] (m.p.m. "pitite-djambe").
== Parintêye ==
* [[Motî:asdjambler|asdjambler]]
* [[Motî:djambyî|djambyî]]
== Mots d' aplacaedje ==
* [[Motî:crodjambot|crodjambot]]
== Omonimeye ==
* [[Motî:djambe 2|djambe]] (o.n.; deus-aiwes).
* [[Motî:Djambe|Djambe]] (no d' èn ancyin ptit ban).
== Sipårdaedje e 20inme sieke ==
;djambot : Coinrece [[walon do Coûtchant]]
== Hårdêye difoûtrinne ==
* [[djambe (anatomike)|Dipus d' racsegnes so l' antomeye del djambe]]
* [[tripe|Dipus d' racsegnes so les djambes di tripe]]
[[Categoreye:Motî]]