doblu [o.n.] no del lete W e walon. On prononcive li no des letes come e francès, såf troes: li V si loméve "Vu" (po nén dire vé); li "W" si lijheut "doblu", et po l' "Z" on djheut "zeta" (H. Forir). Li stoelreye di Cassiopêye sicrît on doblu (Y. Rocher, rat. pa L. Mahin). F. double V. Ingl. doble U. I foirdja des pîces di copozucion d' vint-cénk çanses avou on grand doblu (W), k' on loma bén do tins å long "pîces di nouv patårs" (N. Lequarré).