dos [o.n.]
1. pårteye do coir des biesses metowe å dzeu, inte li cô et l' cawe; pårteye do coir des djins metou padrî, inte li cô et l' cronjhî; et k' est rond dins l' lårdjeur. F. dos.
2. rond dzeu d' ene sacwè.
3. boket d' ene sacwè metou padrî. Li dos d' ene tcheyire.
4. dirî d' ene lame di få. On dit eto: vedje
| dôsse [f.n.]
1. infleure di cåze d' ene hagneure d' on tayan, d' on cuzén, d' ene wesse, d' ene araegne. Ces dôsses k' il aveut-st atrapé, don ! c' esteut ene biesse dins l' lét (ramexhné pa L. Remacle). F. piqure d'insecte.
2. dierinne plantche, plate seulmint d' on costé, k' a on on rond dos. Il a atchté on miyî d' plantches raboteyes et on miyî d' dôsses (vîs papîs d' 1571, rinanxhîs pa L. Remacle). On vî mandaye aprestêye el dôsse po fé l' cafè d' ene brigåde di monteu (L. Lecomte). On dit eto: on dfoûtrin; rl a: béle. F. dosse.
| dossire [f.n.]
1. pårteye drîtrinne d' ene tcheyire, wice k' on-z asploye si dos. F. dossier.
2. pîce do haernixhmint do tchvå d' trait metowe sol divant do dos, et ki va poirter les penes d' on tchår u d' ene tcherete. F. dossière.
3. documint avou tos les pondants eyet les djondants d' ene afwaire. Pinotchet, (on dictateur tchilyin apicî a Londe e 1999) a stî revoyî e Tchili a pårti d' ene dossire medicåle foirdjeye påzès medcéns inglès (J. Schoovaerts). rl a: fåde 2, fitchî. F. dossier.
| dossete [f.n.] pîce do haernixhmint do tchvå d' trait metowe sol mitan do dos (dissu l' selete s' il astchait), et ki va esse atelêye après les traits. On dit eto: poirtåd.
| dossî 1 [o.n.] dossire. F. dossier.
| dossêye [f.n.] tchedje k' on poite so s' dos. F. fardeau. Sacwè k' on ndè responsåve. Vos n' mi froz nén poirter l' dossêye po ça: dji n' è pou rén. F. responsabilité.
Parintêye :