essegne [f.n.]

1. plake metowe ådzeu des otels, des botikes des djins d' mestî avou leu no et sovint on dessén. F. enseigne. El bote, c' est l' essegne des coibjhîs (F. Deprêtre et N. Nopère). Savoz vs bén cwè, Tonton, alez s' ripinde l' essegne (E. Remouchamps). >> esse lodjî al minme essegne: pårtaedjî les minmès rascråwes. Mins rovyîz vs ki vs estîz, cwand vos vs avez maryî Lodjî al minme essegne ? Portant vs avoz viké (E. Remouchamps). >> esse lodjî a ene boune, ene laide essegne: esse bén, må lodjî. Dji voe bén ki ns estans lodjîs a ene bele essegne, cial (D. Salme). Dj' estans vormint lodjîs al pire des essegnes Les cinas sont sins four n' a pus rén dvins les gregnes (Alexandre). >> des orayes come des essegnes di bårbî: des grandès orayes. >> si mari d' essegne: si tromper d' ouxh, prinde ene sakî po çou k' i n' est nén. Vos vs marixhoz d' essegne, dji n' divén nén co sote (E. Remouchamps).

2. dessén ki rprezinte ene soce, ene societé d' comiece. F. logo. >> papî a essegne: papî avou l' essegne et l' adresse del djin u del soce dissu. rl a: tiestire. F. papier à en-tête.

3. dessén ki rprezinte ene veye, ene fameye di nobes. F. armoirie.

4. (imådjreçmint) sacwè d' veyåve ki sieve d' imådje a ene sacwè d' nén veyåve (sintimint, atuze, foû ptite sacwè). Avou l' idêye d' astamper e walon ene essegne d' emacralaedje, on-z a ramexhné troes paroles k' avént l' cogne et l' oumeur k' i faleut: harlake, marlou eyet macrale, po fé harloucrale, on noûmot pol mandragore (A. Maquet). F. symbole.

| essegnrece [addj.] k' a a vey avou ene essegne, dins l' sinse di simbole. F. symbolique.