etrevén [o.n.]

1. sacwè ki s' passe. Les djins avént des sovnances d' etrevéns ki s' avént passé k' il estént tot djonnes, u minme k' i n' estént nén co å monde. On dit eto: evenmint, afwaire. F. événement, circonstance, occasion. >> so ci etrevén la: u: >> so ces etrevéns la: so ç' tins la. Mins so ces etrevéns la, li messaedjî d' Mirwå aveut apoirté des letes a Graide e passant po-z aler a Årsumont (G. Lucy). On dit eto: di ç' trevén la. F. pendant ce temps, entretemps, sur ces entrefaites. >> bén cnoxhou etrevén: sacwè ki s' a passé, et k' on s' endè sovint. F. évènement remarquable. >> arimea fwait po on metou etrevén: Franwal: ahåyant po: poème de circonstance. >> po l' etrevén di: Franwal: ahåyant po: à l'occasion de.

2. laide, drole di sacwè ki s' a passé. C' est on drole d' etrevén. On dit eto: afwaire, comission, ascråwe, paskeye. F. événement, épisode, péripétie, incident fâcheux.

3. fiesse po fé l' riclame d' ene sacwè. Les comierçants s' î rtrovèt avou l' peclêye di djins ki vnèt a Essawira po ci etrevén la (L. Mahin). F. événement, fête, commémoration, jubilé., Ingl. happening.

Etimolodjeye : parint di vini, avou l' betchete e- et l' betchete tre-.

Parintêye direke :

• trevén
• etervini