etrocler ([[Codjowaedje tchicter|codjowaedje]]) I. [v.c.] 1. mete e troke (des agnons, evnd). F. mettre en grappe. 2. (mot d' linwincieus) sicrire en on mot deus u sacwants ptits mots diferins, ki leu rashonnaedje divént on mot avou on sinse a pårt. On-z a etroclé "a", "cite", et "eure", po fé "asteure", "pa" "ci" et "ki" et ça a dné "paski". Come les Walons, leu pus grand plaijhi, c' est di s' margayî po des cawes di ceréjhe, rapoirt å scrijhaedje, on ls a vlou mete tertos d' acoird, les cis ki vlént scrire "djè l' " et les cis ki vlént scrire "dj' èl", tot-z etroclant ttafwait, et scrire "djel" come å vî vî tins. II. s' etrocler [v.pr.] 1. si mete e troke tot djåzant d' legumes. 2. si rashonner, tot djåzant d' djins. Gn aveut tote ene binde etroclêye sol plaece ([[Motî d' Cînè|J. Hostin]]). Loukîz a: [[Motî:ratropler|ratropler]]. F. se grouper, se rassembler. 3. fé èn etrocla, tot cåzant di ptits mots. Etimolodjeye: viebe fwait sol bodje [[Motî:troke|troke]] avou l' [[betchete e-]] (mete e troke). | etroclaedje [o.n.] no d' fijhaedje et no di çou k' est fwait (accion eyet si rzultat) pol viebe "etrocler", copurade: 1. [[Motî:rashonnaedje|rashonnaedje]]. Gn a-st asteure èn etroclaedje di sacwants facteurs ki fjhèt ki Wiyam Dunker pout wangnî des çanses avou l' walon ([[Philippe Ansiaux]]). F. conjonction (de facteurs), concours (de circonstances). 2. (mot d' linwincieus) metaedje eshonne, dins li scrijhaedje, di deus u sacwants ptits mots po-z endé fé on pus grand. F. enclise. | etrocla [o.n.] (mot d' linwincieus) 1. mot fwait pa l' etroclaedje di deus u di pus d' deus ôtes mots. Des mots come "nel", "djel", "del" sont des ptits etroclas mo ahessants dedja consyîs avou l' sistinme Feller pa A. Maréchal e 1906 dins l' adrovaedje di "åtoû d' aistrêye do tins di m' grand-mere", da L.J.L. Lambillon. Vochal sacwants etroclas dedja atåvlés el prumire tåvlotêye so li rfondaedje e 1995: asteure, totafwait, pattavå, dabôrd, sapinse, çki, paski, douvént,... ([[J.P. Hiernaux]]). rl a: [[Motî:retrocla|retrocla]]. F. enclise. 2. troke di letes. Èn etrocla, metans, k' i gn a waire di scrijheus ki savèt radapter e walon, c' est li cawete francesse "-isme".. ([[L. Mahin]]). Po prononcî "-ea" come e vosse payis, i vs fåt co sovni k' èn etrocla come "-cea" vont dner "-cia" pu "-cha" (lacha). 3. (mot d' economisse) troke di societés k' ovrèt dins l' minme dominne, u e minme zonigne, et ki s' cowaidèt po divni pus foites. Avou les sôcietés Walones di biyotecnolodjeyes et les cintes di rcwerances des unifs, i fåt fé èn etrocla po rprezinter li Walonreye ezès fôres eternacionåles, come li cene di Boston. F. grappe. Ingl. cluster. Etimolodjeye: [[cawete -a]] (absitroet rzultat do viebe), [[noûmot do walon|1995]]. | etroclåve [addj. & o.n.] (mot d' linwincieus) pitit mot ki s' pout s' etrocler a ds ôtes. Loukîz a: [[Motî:clitike|clitike]]. Etimolodjeye: [[cawete -åve]], [[noûmot do walon|2001]]. Parintêye : * [[Motî:distrocler|distrocler]]