ewalper ([[Codjowaedje tchicter|codjowaedje]]) [v.c.] 1. mete on papî, ene sitofe, evnd di ttåtoû d' ene sacwè k' on vout waeranti. Dj' ewalpêye mes tåtes. Vos ewalpêyroz l' paket avou do gris papî. Ewalpez bén l' efant, da ! So må pont d' tins, vola l' four metou a gros rôleas, télfeye ewalpés d' noer plastike ([[M. Frisée]]). C 'est frisse come li rozêye k' ewalpeye les rôzes ene åmatén d' prétins ([[Guillaume Smal]]). Loukîz a : [[Motî:retoirtyî|retoirtyî]], [[Motî:rafådler|rafådler]], [[Motî:rafûler|rafûler]], [[Motî:ravôtyî|ravôtyî]]. F. envelopper, empaqueter. 2. [[Motî:emantchî|emantchî]]. I n' pout bén må di s' leyî ewalper pa des sfwaits ! Loukîz a : [[sinonimeye]]. F. duper, entortiller. II. s' ewalper [v.pr.] si covri totåtoû. Ewalpez vs bén, ca i fwait froed. On dit eto: [[Motî:racafûler|si racafûler]]. F. se couvrir, s' emmitoufler. | ewalpé, ewalpêye [addj. purade padvant] 1. crås(se). F. enveloppé, gras. 2. bén ewalpêye [[Motî:ratinde famile|ki ratind famile]]. Dj' aveu bén rmårké ki Mareye, dispoy tot on tins, esteut bén ewalpêye ([[Fré Lucas]]). | ewalpaedje [o.n.] no d' fijhaedje et no di çou k' est fwait (accion eyet si adierça) po les viebe "ewalper" et "s' ewalper" C' est ene infirmire ki nos a vnou dner scole so l' ewalpaedje des froxheures. F. enveloppement, pansement. | ewalpeure [f.n.] 1. sacwè po-z ewalper. Ene ewalpeure di papî d' sôye po on breslet. Ene ewalpeure di gros papî po des solés; Ene boune tchôde ewalpeure po-z-aler conte vint et bijhe. F. couverture. 2. cwårêye papî k' on stitche ene lete didins. On dit eto: [[Motî:evlope|evlope]]. F. enveloppe. Parintêye : [[Motî:rewalper|rewalper]]