fåve [f.n.] 1. istwere ki met el sinne des biesses ki djåzèt. Les fåves di la Fontinne, rimetowes e pâtwès d' Charlerwè pa [[Leyon Bernus]]. F. fable. 2. istwere po rire: Les fåves da Fernand ont stî scrites pa [[Maurice Georges]] a cminçmint des anêyes 1990. rl a: [[Motî:flåwe (fåve)|flåwe 2]], [[Motî:minte|minte]], [[Motî:coye|coye]], [[Motî:paskeye|paskeye]]. F. blague, plaisanterie. 3. ene istwere k' on raconte dispu todi dins on payis k' i gn a, ki n' a nén l' air vraiye, mins k' gn a des djins assez po-z î croere. Dji vos va conter l' [[fåve do Mitan d' Cok]]. On dit eto: [[Motî:rapoitroûle|rapoitroûle]], [[Motî:racontroûle|racontroûle]], [[Motî:floriconte|floriconte]]. F. légende, conte populaire. Etimolodjeye: latén fabula (minme sinse). | fåvirete [f.n.] pitite fåve. F. fabliau. | fåviron [o.n.] fåvirete, dins les rime-rames Fåve, fåviron Cwate vesses å posson; L' posson k' est trawé; Cwate vesses a vosse nez. F. fabliau. | fåveri, fåveron; fåvi, fåvon [mots-criyas] Prumire fråze dins les [[Motî:rime-rame|rime-rames]] k' on dit ås efants divant d' elzî conter ene fåve. ---- * [[Fåve|Dipus d' racsegnes so les fåves avou des covietes di lives la kel mot est scrît d' totes les façons]] * [[fåve di djåzantès biesses|Dipus d' racsegnes so les fåves di djåzantès biesses]] * [[fåve do vî vî tins|Dipus d' racsegnes so les fåves do vî vî tins]] * [[couyonåde|Dipus d' racsegnes so les fåves po rire]]