feyaene [f.n.] 1. [[Motî:fenaesse|fenaesse]]. Dins les feyaenes, dzo les coxhetes, Des ombes schapêyes di leus muchetes, Disk' å matén, d' leus curieus iys, Ni låtchént nén di vos rguignî! ([[R. Mayence]]). F. herbe sèche. 2. [[Motî:ranxhe|ranxhe]] di crompire. On boûléve les feyaenes di canada dins les tchamps. On dit eto: [[Motî:bahou|bahou]]. F. fane. 3. cawe di raecene, di betråle. F. feuille. 4. souwêye foye (di toubak), pitite sacwè d' rén do tot. I fåt k' dji våye cweri do toubak; dj' end a pus ene feyaene ([[A. Carlier & W. Bal]]). >> nén ene feyaene: nén l' pus ptite sacwè. Å seur, ça, c' est des crånès fiesses Et k' i n' a ni ene feyaene a lzî rprotchî ([[P. Dufrane]]). F. la moindre chose. Etimolodjeye: latén fenum ([[Motî:four|four]]).