five [f.n.] '''1.''' montêye del [[Motî:timperateure|timperateure]] do coir d' ene djin u d' ene [[Motî:biesse ås tetes|biesse ås tetes]], ådzeu d' on [[Motî:soû|soû]], diferin d' ene sôre di biesse a l' ôte (37 grés Celsius po les djins). Li five monte; li five ritoume, ritchait; apåjhî u rapåjhî l' five. F. "fièvre, température, hyperthermie.". >> [[Motî:fé|fé]] del five: aveur del five. Li 30 di djun, gn a ene minêye di gripe ki cmince a cori dins nosse binde; gn a bråmint ki fjhèt del foite five et n' saveur moussî foû do lét télmint k' i tronnèt ([[E. Pècheur]]). >> five fagnrece: sôre di five k' on-z atrapéve dins les payis d' [[Motî:fagne|fagnes]]. F. "fièvre des marais, malaria". >> boton d' five: [[Motî:boutchrê|boutchrê]]. F. "herpès labial". >> djaene five: maladeye des djins k' on-z atrape pal hagneure d' on picron. F. "fièvre des marais, malaria". >> five ås crexhoûles: maladeye des bovrins avou del five et des [[Motî:crexhoûle|crexhoûles]]. F. "theilériose, trypanosomiase". '''2.''' [[Motî:efoufiaedje|efoufiaedje]], håsse di fé scrire, di cåzer, di fé ene sacwè. Li five aveut rtoumé po ç' shijhe la ([[L. Hendschel]]). Cwand on scrît l' walon å djoû d' ådjourdu, on-z a mwints côps "li five do discotaeyaedje", on scrît des dmeyès faflotes, des cwårts d' accint, des tîces di tchapeas ([[L. Hendschel]]). I n a pus k' des strouks di cabu E nosse cotjhea, Et t' n' as-st e l' åme Ki les båjhes di totes les comeres C' e-st ene laide five ([[L. Warnant]]). Dji baloujhive miernou po rapåjhi mes fives ([[G. Smal]]). Loukîz a : [[Motî:dår|dår]]. F. "fièvre, excitation, délire, désarroi, trouble". >> esse dins les fives; u : >> esse acsût des fives: èn pus saveur çou k' on dit, come cwand l' five monte foirt. On dit eto esse dins les [[Motî:tchamp|tchamps]], aveur li tiesse avå les [[Motî:cwåre|cwåres]]. Wadjans, aveut dit l' tortowe, ki vos n' arivroz nén Divant mi sol schate-pire ! :: Serîz acsûte des fives ? Dimanda l' live, l' air ewaerêye [[Lafontinne]], ratourné di [[Jean Rode]]). F. "délirer". >> mete dins les fives: stombyî, efoufyî. Bén pus k' on pasmint d' tins c' est ene sacwè k' el mete divins les fives, et çoula dispoy k' il est tot gamén ([[J.P. Dumont]]). F. "exciter, passionner". | fivlote [f.n.] pitite five. F. "fébricule". | fivreus, fivreuse [addj. purade padvant] k' a del five. F. "fièvreux". == Mots d' aplacaedje == * [[Motî:borguete|fives borguetes]] * [[Motî:fîflinne|fîflinne]] == Hårdêyes difoûtrinnes == * [[five|Dipus d' racsegnes sol five]] * [[five fagnrece|Dipus d' racsegnes sol five fagnrece]] * [[boton d' five|Dipus d' racsegnes so les botons d' five]] * [[djaene five|Dipus d' racsegnes sol djaene five]] * [[five ås crexhoûles (bovrins)|Dipus d' racsegnes so les fives ås crexhoûles des bovrins]]