Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.
Pådje : Motî:five
Date : 2008-06-20T13:26:21Z
Uzeu : Lucyin
Messaedje :
URL : https://wa.wikipedia.org/w/index.php?oldid=134347
five [f.n.]
1. montêye del timperateure do coir d' ene djin u d' ene biesse ås tetes, ådzeu d' on soû, diferin d' ene sôre di biesse a l' ôte (37 grés Celsius po les djins). Li five monte; li five ritoume, ritchait; apåjhî u rapåjhî l' five. El tîfusse done les fives (Motî del Lovire). F. "fièvre, température, hyperthermie". >> fé del five: aveur del five. Li 30 di djun, gn a ene minêye di gripe ki cmince a cori dins nosse binde; gn a bråmint ki fjhèt del foite five et n' saveur moussî foû do lét télmint k' i tronnèt (E. Pècheur). >> tronner d' five; u: >> tronner les five: tronner pask' ele five est ki monte. On dit eto : tronner les balzins. F. "trembler de fièvre". >> boton d' five: boutchrê. F. "herpès labial". >> five ås taetches: five avu on spitaedje-foû (pitits rodjes botons so tot l' coir). F. "fièvre éruptive.". >> five fagnrece: sôre di five k' on-z atrapéve dins les payis d' fagnes. F. "fièvre des marais, malaria". >> djaene five: maladeye des djins k' on-z atrape pal hagneure d' on picron. F. "fièvre des marais, malaria". >> five ås crexhoûles: maladeye des bovrins des tropikes avou del five et des crexhoûles. F. "theilériose, trypanosomiase".
2. (pus stroetmint) tîfusse. F. "fièvre typhoïde". >> five nukeuse°.
3. Maladeye ki rind l' djin u l' biesse aflaxhåve. >> aveur les nawès fives: esse nawe 1. F. "paresseux". >> five di laecea: touma des vatches djusse velêyes. F. "fièvre de lait, fièvre vitullaire".
4. efoufiaedje, håsse di fé scrire, di cåzer, di fé ene sacwè. Li five aveut rtoumé po ç' shijhe la (L. Hendschel). Cwand on scrît l' walon å djoû d' ådjourdu, on-z a mwints côps "li five do discotaeyaedje", on scrît des dmeyès faflotes, des cwårts d' accint, des tîces di tchapeas (L. Hendschel). I n a pus k' des strouks di cabu E nosse cotjhea, Et t' n' as-st e l' åme Ki les båjhes di totes les comeres C' e-st ene laide five (L. Warnant). Dji baloujhive miernou po rapåjhi mes fives (G. Smal). Loukîz a : fives borguetes dår. F. "fièvre, excitation, délire, désarroi, trouble". >> esse el five; >> esse dins les fives; u : >> esse acsût des fives: èn pus saveur çou k' on dit, come cwand l' five monte foirt. On dit eto esse dins les tchamps, aveur li tiesse avå les cwåres. Wadjans, aveut dit l' tortowe, ki vos n' arivroz nén Divant mi sol schate-pire ! :: Serîz acsûte des fives ? Dimanda l' live, l' air ewaerêye Lafontinne, ratourné di Jean Rode). F. "délirer". >> mete dins les fives: stombyî, efoufyî. Bén pus k' on pasmint d' tins c' est ene sacwè k' el mete divins les fives, et çoula dispoy k' il est tot gamén (J.P. Dumont). F. "exciter, passionner". >> five di bwesson: kidujhance d' onk k' est sô (d' ene k' est sôle) et ki gueuye est voleur bouxhî so les ôtes.
| fivlote u fivlete [f.n.] pitite five. Loukîz a : fivrer. F. "fébricule".
| fivreus, fivreuse [addj. purade padvant] k' a del five. F. "fièvreux".