[[Categoreye:Raspepyî årtike do motî|five]]
five [f.n.]
'''1.''' montêye del [[Motî:timperateure|timperateure]] do [[Motî:coir|coir]] d' ene djin u d' ene [[Motî:biesse ås tetes|biesse ås tetes]], ådzeu d' on [[Motî:soû|soû]], diferin d' ene sôre di biesse a l' ôte (37 grés Celsius po les djins). Li five monte; li five ritoume, ritchait, dischind; apåjhî u rapåjhî l' five; ene drouke po côper l' five. Li kinkina est sovrin pol five ([[Motî da Forir]]). El tîfusse done les fives ([[Motî del Lovire]]). F. "fièvre, température, hyperthermie".
>> [[Motî:fé|fé]] del five; u:
>> esse el five (a):
aveur del five. Li 30 di djun, gn a ene minêye di gripe ki cmince a cori dins nosse binde; gn a bråmint ki fjhèt del foite five et n' saveur moussî foû do lét télmint k' i tronnèt ([[E. Pècheur]]).
>> tronner d' five; u:
>> tronner les five; u:
>> tressiner d' five: [[Motî:tronner|tronner]] pask' ele five est ki monte. On dit eto : tronner les [[Motî:balzins|balzins]]. F. "trembler de fièvre".
>> aveur ene five di tchvå; u:
>> esse bolant d' five; u:
>> broûler d' five: aveur ene foite five.
>> prinde li five (a ene sakî, ene biesse): lyi mete li termomete. Dji m' lyi va prinde si five ([[Motî da Gilliard]]). F. "prendre, mesurer la température".
>> five di lét; u:
>> five di paye-lét: maladeye des femes e leu [[Motî:payelé|payelé]] (acoûtchmint). F. "fièvre puerpérale".
>> boton d' five: [[Motî:boutchrê|boutchrê]]. F. "herpès labial".
>> five ås taetches: five avu on [[Motî:spitaedje-foû|spitaedje-foû]] (pitits rodjes botons so tot l' coir) u des taetches di sonk so les mukeuses. F. "fièvre éruptive, fièvre pétéchiale".
>> five [[Motî:escarlatene|escarlatene]]°: ene des sôres di fives ås taetches, cåzye pa ene bacctereye. F. "scarlatine".
>> five fagnrece: sôre di five k' on-z atrapéve dins les payis d' [[Motî:fagne|fagnes]]. F. "fièvre des marais, malaria".
>> djaene five; five Ebola: maladeye des djins ezès Tropikes. F. "fièvre des marais, malaria".
>> five ås [[Motî:crexhoûle|crexhoûles]]; five del vå do Rift maladeye des biesses ezès tropikes. F. "theilériose, trypanosomiase".
'''2.''' (pus stroetmint) [[Motî:tîfusse|tîfusse]]. Il a l' five. Il a les fives ([[Motî da Toussaint]]). Dji m' sovénrè lontins Fouxhoz seurs, di m' voyaedje; po-z atraper les fives, I n' fåt nén davantaedje ([[J. Dethy]]). [cité dins l’ [[Motî da Pirsoul]].] C' esteut on docteur ki médyive li five des efants avou rén k' do cloranfenicol. F. "fièvre typhoïde".
>> five [[Motî:nukeuse|nukeuse]]°.
'''3.''' Maladeye ki rind l' djin u l' biesse [[Motî:aflaxhåve|aflaxhåve]]. Cisse måle novele la m' a dné l' five ([[Motî da Forir]]). F. "fièvre, abattement, léthargie".
>> froede five: aflaxhaedje sins montêye del timperateure.
>> aveur les nawès fives: esse [[Motî:nawe 1|nawe 1]]. F. "paresseux".
>> five di laecea: [[Motî:touma|touma]] des vatches djusse [[Motî:veler|velêyes]]. F. "fièvre de lait, fièvre vitullaire".
'''4.''' [[Motî:efoufiaedje|efoufiaedje]], [[Motî:håsse 1|håsse]] di fé scrire, di cåzer, di fé ene sacwè. Tot l' cwårtî est en ene five ([[Motî d' Vervî]]). C' est come ene five k' el prind tot etir ([[Motî da Gilliard]]). I n a pus k' des strouks di cabu E nosse cotjhea, Et t' n' as-st e l' åme Ki les båjhes di totes les comeres C' e-st ene laide five ([[L. Warnant]]). Li five (di djåzer d' filozofeye dins les sålons del "hôte") aveut rtoumé po ç' shijhe la ([[L. Hendschel]]). Dji baloujhive miernou po rapåjhi mes fives ([[G. Smal]]). Tel sais bén k' dj' a ståré mes fives a côps d' bwejhe å mitan del cåve ([[J. Gillain]]). [cité dins l’ [[Motî da Gilliard]].] Loukîz a : [[Motî:borguetes|fives borguetes]] [[Motî:dår|dår]]. F. "fièvre, excitation, surexcitation, agitation, délire, désarroi, trouble, folie".
>> il a l' five e s' capotene: esse efoufyî po des tchitcheyes. On dit eto : il a l' [[Motî:diåle 1|diåle ]] e s' [[Motî:capotene|capotene]]; c' est on [[Motî:diåle-e-coir|diåle-e-coir]]. F. "c'est un excité, un agitateur".
>> five amoureuse: håsse di [[Motî:hanter|hanter]]. Il a l' five pol feye do vijhén ([[Motî da Gilliard]]). Loukîz a : [[Motî:tchôde|tchôde]].
>> esse el five (b);
>> esse dins les fives; u:
>> esse acsût des fives; u:
>> monter dins ene five:
èn pus saveur çou k' on dit, çou k' on fwait. On dit eto : esse dins les [[Motî:tchamp|tchamps]], aveur li tiesse avå les [[Motî:cwåre|cwåres]]. Wadjans, aveut dit l' tortowe, ki vos n' arivroz nén Divant mi sol schate-pire ! :: Serîz acsûte des fives ? Dimanda l' live, l' air ewaerêye [[Lafontinne]], ratourné di [[Jean Rode]]). Tel sais bén k' dj' a ståré mes fives a côps d' bwejhe å mitan del cåve ([[J. Gillain]]). [cité dins l’ [[Motî da Gilliard]].] F. "délirer".
>> esse el five (c): transi, ni pont fé d' bén, tot ratindant ene sakî, ene sacwè. F. "être inquiet, anxieux".
>> mete dins les fives: stombyî, efoufyî. Bén pus k' on pasmint d' tins c' est ene sacwè k' el mete divins les fives, et çoula dispoy k' il est tot gamén ([[J.P. Dumont]]). F. "exciter, passionner".
>> five di bwesson: kidujhance d' onk k' est sô (d' ene k' est sôle) et ki gueuye est voleur bouxhî so les ôtes.
>> T' as del five, dandjreus ! Ti dvéns sot, surmint. F. "Tu débloques, tu perds la tête, tu délires".
'''5.''' estance d' onk k' est rindou après on [[Motî:pasmint d' tins|pasmint d' tins]]. Cwand on scrît l' walon å djoû d' ådjourdu, on-z a mwints côps "li five do discotaeyaedje", on scrît des dmeyès faflotes, des cwårts d' accint, des tîces di tchapeas ([[L. Hendschel]]). Il a l' five do djouwer al bale ([[Motî d' Cerfontinne]]). End a ene di five, avou ses pidjons ([[Motî d' Cerfontinne]]). Tos les viyaedjes ont l' five des årmonreyes ([[Motî da Pirsoul]]). F. "folie, passion, engouement".
'''6.''' [[Motî:zine|zine]]. I lyi a prins ene five ([[Motî da Toussaint]]). Elle aveut l' five d' atchter on molén a fiyî ([[Rasgotaedje]]). On dit eto : [[Motî:maket|maket]]. F. "envie folle, lubie, coup de folie, caprice, toquade".
| fivlote u
fivlete [f.n.] pitite five, waire ådzeu do soû del timperateure. Li maladeye va pacô avou ene fivlote, mins l’ biesse n’ est cwand minme waire malåde ([[L. Mahin]]). Loukîz a : [[Motî:fivrer|fivrer]]. F. "fébricule".
== Parintaedje ==
* [[Motî:fivrer|fivrer]], [[Motî:fivreus|fivreus]], [[Motî:fivreuzmint|fivreuzmint]]
== Mots d' aplacaedje ==
* [[Motî:borguete|fives borguetes]]
* [[Motî:fivlinne|fivlinne]]
== Disfondowes ==
; five :fîve (fîf), five (fif), fiéve (fiéf); miersipepieuzmint el notûle [[A.L.W.]] '''15''', 27.
== Sicrijhas ezès motîs ==
;five : five [E212], fîv [E203], fîve [E1, E34, E200, E212b, C1, C8, C9, C13, C100, C106, O0, S0, S17, S109, S117, G215], fife [E212], fiéve [O3, G215], fiève [O2, G215], fiêve [O0, G215], fièfe [O4].
;fivlete : fivlette [E212], fîv'lète [E1], fîvelète [E212b] [Loukîz al [[Djivêye des motîs]].]
== Hårdêyes difoûtrinnes ==
* [[five|Dipus d' racsegnes sol five]]
* [[tîfusse ås djins|Dipus d' racsegnes so les fives (tîfusse)]]
* [[boton d' five|Dipus d' racsegnes so les botons d' five]]
* [[five di payelé|Dipus d' racsegnes sol five di lét]]
* [[five ås taetches|Dipus d' racsegnes so les fives ås taetches]]
* [[five escarlatene|Dipus d' racsegnes sol five escarlatene]]
* [[touma des velêyes|Dipus d' racsegnes sol five di laecea ås vatches]]
* [[five fagnrece|Dipus d' racsegnes sol five fagnrece]]
* [[djaene five|Dipus d' racsegnes sol djaene five]]
* [[five ås crexhoûles (bovrins)|Dipus d' racsegnes so les fives ås crexhoûles des bovrins]]
* [[five del vå do Rift|Dipus d' racsegnes sol five del vå do Rift]]
* [[five Ebola|Dipus d' racsegnes sol five Ebola]]
== Sourdants & pî-notes ==