fornea [o.n.] 1. [[Motî:sitouve|sitouve]]. F. fourneau. 2. [[Motî:for|for]] a cure li menrai d' fier. >> hôt-fornea, bas-fornea. rl a: [[Motî:rayixhoe|rayixhoe]], [[Motî:broûloe|broûloe]]. 3. (vî mot d' sårteu) hopea d' yebes [[Motî:sårter|sårtêyes]] et souwêyes, metowes avou les [[Motî:fenaesse|fenaesses]] ådvins, avou des coxhes et des [[Motî:estale 1|estales]] å mitan k' on va broûler po-z ecråxhî l' sårtaedje divant d' î semer do [[Motî:rgon|rgon]]. 4. [[Motî:marinde|marinde]] la k' on greye del tchå ådfoû. Po clôre ci bele djournêye la, li fornea, k' on a magnî dins l' Muzêye, a ragosté tos les soçons (P. Otjacques). F. barbecue. | forneler ([[Codjowaedje bouter|codjowaedje]]) [v.s.c.] 1. (mot d' sårteu) fé des forneas, des ptits hopeas d' souwés [[Motî:waezon|waezons]] et d' coxhetes. On forneléve cwand les waezons estént bén sokés, li pus sovint après les fenåjhes, fén d' awousse, moes d' setimbe (S. Fontaine). 2. adjinçner ene fiesse la k' on greye del tchå ådfoû. F. faire un barbecue. | fornelaedje [o.n.] 1. no d' fijhaedje et no di çou k' est fwait (accion eyet si adierça) pol viebe "forneler". 2. moumint k' on forneléve. Å fornelaedje, on veyeut foumer di totes les coines, so tos les croupets d' l' Årdene (S. Fontaine).