fornouri (codjowaedje) [v.c.]

1. nouri a s' sô, nouri foirt. I fornourixhèt leus efants. I fåt bén sognî ses biesses, mins i n' les fåt nén fornouri. T 'es-st on fameus gros mvé Et k' a bén do bouneur D' esse insi fornouri Tandi k' mi, dji creve di fwin E fjhant l' voleur (C. Wérotte). F. rassasier, gaver, suralimenter, repaître, bourrer, saturer, empifrer.

2. nouri a n' rén fé. F. entretenir dans l'oisiveté.

Etimolodjeye : viebe nouri, betchete for-.

| fornouri fornoureye [addj., purade padvant & o.f.n.]

1. ki magne tofer a s' sô. Nozôtes k' est fornouris et bén poirtants, nos dvréns adoucis les tourmints des cis k' ont fwin et froed (O. Coutisse-Uyttebrouck). On moes aveut passé; li pourcea s' ecråxhive, fornouri k' il esteut (J.P. Dumont). Tofer, li sprewe poite li betcheye A s' nitêye måy fornoureye (B. Louis). Loukîz a :bômel F. rassasié, suralimenté, repu, gavé, obèse. >> Cwand les sudjets sont fornouris, i sont forsôlés: dijhêye des ancyinx mwaisses inte di zels po consyî di n' nén bén nouri leus sudjets.

2. bon vicant, k' est adû a tofer fé des rinchinchotes. F. bon vivant.

3. foirt, vigreus. Tins ki dj' tuzéve insi, on grand long tchår, råyî pa deus fornouris roncins, amonta vier mi (A. Nicollet). F. vigoureux, costaud.

4. målåjhey(e) po l' amagnî, ki n' magne kel bon. Loukîz a : nareus.

5. ki n' pinse k' a lu. Loukîz a : pinse-a-lu. F. égoïste.

6. sognî a n' rén fé. F. désoeuvré, oisif, parasite.

| fornourixhaedje [o.n.] no d' fijhaedje et no di çou k' est fwait (accion eyet si adierça) pol viebe "fornouri". F. suralimentation, gavage, satiété, obésité, erreurs alimentaire, entretien dans l'oisiveté.

| fornourixhant, fornourixhante, [addj. purade padvant] ki fornourixh, tot djåzant d' èn amagnî. F. bourrant, bourratif, hyperénergétique, riche.

Etimolodjeye : cawete -ant, 2006.

• Dipus d' racsegnes sol fornourixhaedje