fortcherdjî (codjowaedje) [v.c.] tcherdjî dipus k’ i n’ fåt (on tchår, on dessin, evnd. ) Cwand c' esteut vosse tchivå ki saetchive li tchår, dj' a todi bén waitî di nel nén fortcherdjî (G. Renson). C' esteut-st ene grande tcherete a tchéns hertcheye pa deus hinguès rossêyès biesses ki n' polént cåzu pus hop, fortcherdjeye k' ele esteut avou on flairant moncea d' clicotes et d' peas d' robetes, et ki halcotéve, presse a rvierser (J.P. Dumont). Nosse vî stoelî est tot spaltreus; Il est fortcherdjî d' vint et d' plouve (G. Havelange). Dj' a oyou dire k' on fortcherdjî batea vineut d' esse rascodou divant Siracuze, el Sicile, avou 78 Malyins, Liberyins et Siera-Leyonîs co vicants, mins ki hossént tertos å mantche (L. Mahin). Li flairante aiwe, fortcherdjeye di shoufe, epweznéve biesses et djins ! (J.P. Dumont). Li fond des montinnes do dessin di dvant esteut pus bea, mins i n' fåt nén fortcherdjî l' pondeure (L. Mahin). F. "surcharger, saturer".

Tcherpetaedje

viebe « tcherdjî », betchete for-