frexh, frexhe [addj., todi padvant]

1. k' i gn a yeu d' l' aiwe dissu. I s' a stî bagnî et ndaler coûtchî avou les tchveas frexhs ; c' est on djeu, po-z atraper åk, hin, ça. Li tchén s' coscheut po s' souwer, cwand il est frexh. Loukîz a : mate, crou, ramouyî. F. mouillé; contråve : setch, souwé, rissouwé. >>  Setchs Avéns°, frexh Noyé; >> Li Frexh Trî: no d' ene plaece di Dorene.

2. frexhe tchå tchå ki vént d' ene biesse djusse touwêye. Il aveut fwait do touweu d' pourceas pask' i voeyeut voltî l' frexhe tchå. (R. Dedoyard). On dit eto : frisse. F. chaire fraîche.

Etimolodjeye: francike

| frexhea [o.n.] pitite frexhe plaece, k' il î fwait målåjhey passer. Loukîz a : potea, basse, braibtea, braibancinea, broûs, pardjire. F. flaque.

Tcherpetaedje : Cawete -ea

| frexhåd [o.n.] laide frexhe plaece. Tot åtoû, ci n' est k' on frexhåd; del marasse a n' s' î oizeur fiyî (C. Denis). Loukîz a : braibançon, lapisse, lapotisse, pexhotisse, sitårsin. F. flaque, bourbier. >> Li grand Frechåd: a no d' plaece di Parfondveye.

| frexhoe [o.n.] plaece avou toplin des frexheas. Loukîz a : fagne, brôlî, flache. Loukîz a : Defrexhoe. F. fange, bourbier.

Tcherpetaedje : Cawete -oe

| frexhisse [f.n.] lådje frexhe plaece, k' on î efagnreut åjheymint. Ti loukes passer les såjhons : li pretins ki fruzixh, l' esté ki rostixh, l' otone k' est frexhisse (L. Warnant) On dit eto: sankisse, fagnisse, bôjhisse, marasse. F. marais, marécage.

Tcherpetaedje : Cawete -isse

| frexheur [f.n.] cwålité u dfåt di çou k' est frexh. Li pexheu sokeye, et si s' boke est setche on fletchtåd apoite del frexheur. On dit eto: crouweur, mateur. F. humidité,.

Tcherpetaedje : Cawete -eur

Parintêye :

• frexhi

Dipus d' racsegnes so les nos d’ plaeces del Walonreye avou « frexh » et ses parints