gazete [f.n.] foyes di papî ki rexhèt a tinzayeure (tos les djoûs, totes les samwinnes, rålmint tos les moes), et dner les dierinnès codowès noveles. C' est èn ome k' a d' l' apriyesse asez et k' est curieus so l' eplwè ki vos atåvlez dins l' gazete (Simon li Scrinî). Dji n' pou pus sinte les gazetes K' on vind dins les hobetes (B. Mirlon). Il atchta l' gazete et brotcha dso come on rafåré (P.H Thomsin). On dit eto:djournå.rl a: rivowe >> lére sol gazete : lére dins l' gazete. >> si fé mete sol gazete: fé mete si no dins l' gazete po-z anoncer ene sacwè a vinde. F. passer une annonce. Dipus d' racsegnes so les gazetes et l' ovraedje di gaztî.| gaztî, gaztresse u gaztire [o.f.n.] li ci (cene) ki screye dins les gazetes. F. journaliste | gaztaedje [o.n.] fijhaedje di papîs (årtikes) di gazete. . F. rédaction d'article de presse | gaztrece [addj.] a vey avou l' ovraedje des gaztîs. Dji vos a apresté on dossî gaztrece. . F. journalistique . Etimolodjeye : bodje "gazete", cawete -rece, 1996.