gogne [f.n.] dins l' ratourneure aveur a gogne u tini a gogne (vierbire) 1. riwaitî a (ene sakî, ene biesse) po k' i n' våye nén a damaedje; el tini a l'ouy, ey esse presse a l' puni s' i fwait ene biestreye. Ni rva pus aduzer t' fré, saiss, ca dji t' téns a gogne ! Dji vos tén a gogne, monparan ! Les lanchtoûnes avént l' tchedje di tni les djins do viyaedje a gogne. C' esteut l' såjhon ki l' eglijhe di Lidje, come les cenes di tos les diyocezes do vijhnaedje, aveut a tni les protestants a gogne ([[N. Lequarré]]). Estant sôdård, dji conoxheu bén ci tour la; nos croeyéns tertos k' elle aveut stî basteye po tni a gogne li camp des Turks ([[L. Hendschel]]). On dit eto: [[Motî:tchôke|aveur a tchôke]], tini a l' ouy. Loukîz a : [[Motî:awaitî|awaitî]], [[Motî:loukî a|loukî]], [[Motî:sorwoeyî|sorwoeyî]]. F. surveiller, tenir en respect, épier, observer, espionner. 2. el [[Motî:evi|vey evi]], nel saveur [[Motî:noder|noder]]. Il ont todi tnou les Fernando a gogne dispu ki l' pere aveut rtourné cazake ås vôtaedjes. F. en vouloir à. Etimolodjeye : [[sivierba]] di [[Motî:gognî|gognî]] | tinaedje a gogne [omrinne sustntivire] no d' fijhaedje et no di çou k' est fwait (accion eyet si adierça) pol vierbire "tini a gogne". F. surveillance, contrôle, espionnage.