gregne [f.n.] boket do bastimint d' ene cinse, la k' on roistêye li four, li strin et les dinrêyes. Li gregne n' est nén trop prope mins on l' î frè (ramexhné pa [[L. Remacle]]). I mousse al gregne et s' ramoenne avou ene saeyete plinne di grinnes po dner ås oujheas ([[G. Pècheur]]). C' esteut des grandès retourêyès cinses avou l' dimeure dins l' fond, les ståves, les gregnes, les cinas, les rans, el poyî, les tcheris et on beazet gros fumî e mitan del coû ([[W. Bal]]). >> ene gregne k' on î dansreut bén: ene grande gregne bén prôpe. >> fé ene tiesse come èn ouxh di gregne: èn nén esse binåjhe, et l' mostrer a l' tiesse k' on fwait. rl a: [[sinonimeye|seure mene]]. >> fé des ouys come des ouxhs di gregne:: fé des grands ouys (di sbramint). F. air ahuri. >> des orayes come des poite di gregne: des grandès orayes. >> parints do costé del viye gregne: parint did lon. On dit eto: al cwatrinme [[Motî:botnire|botnire°]]. F. parent éloigné. >> bate al gregne et vaner a l' ouxh:: tot fjhant l' amour, moussî dins l' coir del feme, pu si rsaetchi ådfoû divant li stritchaedje do verzin. F. pratiquer le coït interrompu. Parintêye * [[Motî:ragregnî|ragregnî]] ---- * [[gregne|Dipus d' racsegnes so les gregnes]].