håye [f.n.] '''1.''' [[Motî:rîlêye|rîlêye]] di bouxhons, sovint rtaeyîs, ki recloyèt on tchamp. L' ivier a sovint djowé ås mayes ; Asteure, il èva hinkeplink il èva ådtriviè des håyes Mins il a pierdou totes ses kinkes ([[G. Havelange]]). Les håyes ridoxhèt d' årdispenes. On dit eto: [[Motî:håbe|håbe]]. F. haie. >> taper l' cote sol håye: a) cwiter les ôres, tot djåzant d' on curé, d' ene beguene. F. se défroquer. b) rinde si demission, tot djåzant d' on politikî u d' èn ôte responsåve. F. rendre son tablier. >> Sôte, Mirôre, houte des håyes et des bouxhons: kimande des macrales a leu ramon, po k' i les emoenne dins les airs. >> Våt mî èn oujhea e s' mwin ki deus sol håye: våt mî wai d' tchoi k' on-z a ki bråmint d' tchoi k' on a nén co, et k' n' årè motoit måy. Fr. un tiens vaut mieux que deux tu l'auras". >> On payis la k' on loye nén les håyes avou des såcisses: on payis la k' tot est beazè bea. On dit eto : [[Motî:Halbeskeute|Halbeskeute]]. F. pays de cocagne. '''2.''' rîlêye d' ôte tchoi. Ene håye di brikes. I metént les frexhès brikes a håye por zeles souwer divant d' aler å for [[Motî d' Bastogne]]. F. rangée. '''3.''' bwès k' on-z î va côper des åbes. Il a metou ene håye a blanc. Ene boune håye, ça dene ene coide di bwès a l' åre ([[Motî d' Bastogne]]). On dit eto: [[Motî:rasse|rasse]], [[Motî:taeye|taeye]], [[Motî:virêye|virêye]]. Loukîz a: [[Motî:hé|hé]]. F. bois, bosquet, futaie, taillis. >> Les håyes et les bouxhons schoûtèt: dijhêye po k' on s' dimefeye di çou k' on dit, k' i gn a des djins kel pôrént ôre, et vos fé do toirt. Franwal: ahåyant po: "les murs ont des oreilles". | hayon '''I.'''[o.n.] 1. [[Motî:bwejhêye|bwejhêye]]. Loukîz a: [[Motî:håyner 2|håyner]]. F. paravent, abri, coupe-vent. 2. [[Motî:botikea|botikea]] d' on martchotea, waeranteye pa ene bwejhêye, la k' il î vind ses martchandijhes al tere. Loukîz a: [[Motî:håyner 1|håyner]]. F. échoppe. 3. pitite barake sins meurs,djusse avou des bwejhêyes. Loukîz a: [[Motî:cahoute|cahoute]]. F. hutte. '''II.'''Les Hayons [n.pl.] '''1.''' ancyin ptit ban del Walonreye rebané avou [[Bouyon]], e F. Les Hayons '''2.''' no d' ene plaece d' [[Motî:Ebli|Ebli]]. | hayete [f.n.] pitite håye, pitit bwès. >> A hayete: no d' ene plaece di [[Motî:Mårcin|Mårcin]]. == Etimolodjeye et tcherpetaedje == ;håye : [[vî lussimbordjwès]] "''hagja''" (minme sinse), [[datåcion des vîs mots walons|1100]]. ;hayon: bodje "håye" (avou [[candjmint d' voyale]]), [[cawete -on]] ;hayete: [[cawete -ete]], avou [[candjmint d' voyale]]. == Parintêye == * [[Motî:håyî|håyî]] * [[Motî:håyner 2|håyner]] (mete des håyes) * [[Motî:ehåyî|ehåyî]] == Mots d' aplacaedje == * [[Motî:a des håyes|a des håyes]] == Omonimeye == * [[Motî:håye 2|håye 2]] == Hårdêyes divintrinnes == * [[håye|Dipus d' racsegnes so les håyes po retourer les tchamps, dins les cortis, evnd.]] * [[taeye (di bwès)|Dipus d' racsegnes so les håyes (taeyes di bwès)]] * [[håye (toponimeye)|Les nos d' plaeces del Walonreye avou "håye", "hayete", "hayon"]] * [[Les Hayons|Dipus d' racsegnes sol viyaedje des Hayons]]