haerna 1. totes pîces di cur u d' coides, po on tchvå poleur saetchî èn [[Motî:ekipaedje|ekipadje]]. Li pezant haernas so ses rins, Markis loukive li gritchete ([[J. André]]). So mi haerna d' bwès, pus roed k' ene baguete, Dji n' a k' ene mousseure po tos les djamas ([[J. Rode]]). Vozôtes les comeres, vos estoz l' tcherete, li haerna, li tchedje et li scoreye, et nozôte les omes les biesses ki saetchèt ([[A. Masson]]). On dit eto: haernaxhmint, haernaxhreyes, ehaernixhmint, [[Motî:ateler|atelêyes, atelmints]]. F. harnais.. >> riployî haerna; u: >> riclaper si haerna: a) riployî bagaedje (s' aprester po-z eraler). F. plier baguage. b) clôre botike. F. fermer, faire faillite. c) [[Motî:mori|mori]]. 2. tolminme kéne [[Motî:usteye|usteye]]. Dji vos va djåzer des haernas et agayons di m' mestî. On dit eto: [[Motî:agayon|agayon]]. F. outil. 3. totes des usteyes eshonne, copurade les cenes d' ene cinse. Il a leyî on gros haerna å mitan do tchamp ([[ramexhné pa M. Francard]]). On dit eto: [[Motî:ekipaedje|ekipaedjes]]. F.matériel, équippement, outillage. 4. sacwè k' on-z a dandjî po fé tourner åk, po-z adjinçner ene fiesse, po s' maryî, evnd. Vos pôroz aprester les haernas ([[Arthur Masson]]). Les efants d' Djiblou front raviker l' molén et ses haernas ([[J. Lahaye]]). On dit eto: [[Motî:ahesse|ahesse]]. F. équippement, effet, annexes, trousseau. 5. li cinse, l' oujhene leyminme. F. exploitation, entreprise. >> on gros herna, on grand herna, on fameus herna: ene grosse cinse, ene bele fabrike, on molén ki toûne bén. F. grande ferme, grand domaine, , grosse exploitation, belle petite entreprise. >> leyî la l' haerna: si djoker di tni ene cinse, evnd. Mes parints divnèt vîs, i sont presses a leyî la l' haerna et a passer les guides di l' atelêye a on djonne manaedje ([[J.P. Dumont]]). F. cesser l' exploitation. >> (ri)prinde li haerna: divni mwaisse ene sadju (après èn ôte k' eva). Cwand ls Amerikins ont stî po rprinde li haerna, et les Francès riployî bagaedje, on nos a evoyî å Cambodje ([[L. Mahin]]). F. prendre la relève. [[Imådje:haerna.jpg|framed|right|Sacwants rabats del få: li haerna metou ådzeu del lame, et l' tchet (metou ådzeu do mantche)]] 6. (vî mot d' cinsî) pîce del få, metowe å dzeu del lame, po rilver l' fåtchaedje. Pol four, li waeyén, li frumint et l' avoenne, l' ovrî si sierveut d' ene få a haerna po rlever l' prumire bate, bén sovint aflaxheye ([[G. Michel]]). rl a: [[Motî:tchet|tchet]]. 7. pîce do filet des tindeus ås moxhons. Pu, li tindeu ås wôteus divrè tinkyî ses haernas; adonpwis, les rascovri d' såvlon; fé si hobete, et ratinde, li pougn agrawé åd dibout do haetchant ([[L. Mahin]]). C' est bén l' vraiy ki, dispoy sacwants moes, li måleur nos aveut tertos emacralé dins ses haernas (M. Vandenheuvel). F. filet. >> si herer dins l' haerna (d' ene kimere, d' on galant):: si leyî andoûler par lu (leye). 7. (vîs mots) a) basti d' ene tcherete b) grande tcherete leyminme. Disfondowes: hèrna, harna, hèrné, hèrnè, harnè, harné, hornè, èrna, arna, ârnè, arnè, arnë, miersipepieuzmint el notûle [[A.L.W.]] 9. 79 (haerna des tchvås), 9. 149 (haerna del få), 8. 181 & 8. 184 (haerna do tindeu). Etimolodjeye : erî-rfwait [[etimolodjeye vikigne|vikigne]] ''hernest''. Minme sitok etimolodjike: * [[Motî:haernixhî|haernixhî]] * [[Motî:ehaernixhî|ehaernixhî]] * [[Motî:harniker|harniker]] ---- * [[haerna des tchvås|Dipus d' racsegnes so les haernas des tchvås]]. * [[haerna des tindeus|Dipus d' racsegnes so les haernas des tindeus ås moxhons]].