[[Categoreye:Raspepyî årtike do motî|houzar]]
<FONT COLOR="#ff0000"><B>houzår</B></FONT> u 
<FONT COLOR="#ff0000"><B>houzård</B></FONT>&nbsp;<ref><SMALL>Ci n' est nén ene [[cawete -ård]], mins l' uzance e [[sistinme Feller]], c' est di rcopyî li coron do mot francès. [http://berdelaedje.walon.org/viewtopic.php?p=1665#1665 Bate di dvize so li rfondaedje]</SMALL></ref> [o.n.] 

<B>1.</B> ancyin [[Motî:sôdård|sôdård]] a tchvå, rilomé foirt [[Motî:waeraxhe|waeraxhe]]. <I>Ti, copere Djuråd, par azår, Est çki t'&nbsp;n'&nbsp;as nén peu des houzårs&nbsp;? </I>([[J.C. Benoît]]).&nbsp;<ref><SMALL>[http://rifondou.walon.org/istwere2-rif.html#houzaur Tecse en etir cial].</SMALL></ref> <I>N a yeu on redjimint d' houzårs di kihatchî </I>([[Motî da Forir]]). <I>Cwand il ont yeu tot veyou des ptitès såles di dzo, avou les mousmints des gurnadîs, des houzårs, des lancîs, des dragons et dji n' ti sai d' tot cwè, il ont monté les montêyes po vey li panorama </I>([[L. Mahin]]).&nbsp;<ref><SMALL>dins [[Vera (roman)|Vera]].</SMALL></ref> Loukîz a : [[Motî:oursea|oursea]]. <span lang=fr>F. hussard.</span> 
<FONT COLOR="#0000ff">>>&nbsp;noer houzår:</FONT> sôre di houzårs des Aloyîs disconte di Napoleyon. <I>Mi dierinne afwaire fout l' prijhe ki ns avîs avou les noers houzårs; des bons sôdårs, savoz, ki n' bodjèt nén pus k' des rinnåds </I>([[D. Salme]]).&nbsp;<ref><SMALL>dins [[Li Houlot]], p. 157, [http://rifondou.walon.org/Salme_Dieudonne.php#zafes Tecse en etir cial].</SMALL></ref> Loukîz a : houzårdé (pwin).
<FONT COLOR="#0000ff">>>&nbsp;boere come on houzår:</FONT> boere bråmint (del gote) et raddimint. On dit eto : come on trô. <I>Et Djam paya l' gote ås catoize fesses et a leu viye macrale di mere; li viye låma s' vere come on houzår </I>([[M. Hicter]]). 
<FONT COLOR="#0000ff">>>&nbsp;end a plin l'&nbsp;pupe d'&nbsp;on houzår:</FONT> dijhêye tot mostrant si mwin drovowe, volant dire k'&nbsp;on vs li pôreut fote e vizaedje come on fotreut voltî ene [[Motî:berlafe|berlafe]] a on houzår. 
<FONT COLOR="#0000ff">>>&nbsp;si poirter parey k' on houzår:</FONT> esse bén poirtant. <span lang=fr>F. "être en superforme".</span>
<FONT COLOR="#0000ff">>>&nbsp;prinde ene comere a môde di houzår:</FONT> fé l' amour avou leye d' astampé, et waire dismoussî. <span lang=fr>F. "à la hussarde".</span>
<FONT COLOR="#0000ff">>>&nbsp;[[Motî:camizole|camizole]]° di houzår.</FONT> 
<FONT COLOR="#0000ff">>>&nbsp;[[Motî:taxhete|taxhete]]° di houzår.</FONT> 

<B>2.</B> (pa stindaedje) feme k'&nbsp;est come èn ome, ki n'&nbsp;a peu did rén, et ki n' est nén boune. <I>Cisse feme la, c' est on fir houzår; ele mi fwait sogne </I>([[Motî da Forir]]). <I>Twenete, c'&nbsp;esteut on vî houzår.</I> Loukîz a : [[Motî:cozake|cozake]], [[Motî:dragon|dragon]], [[Motî:djindåre|djindåre]]. <span lang=fr>F. "mégère, virago, harpie".</span>

<B>3.</B> (vî mot d'&nbsp;cinsî) [[Motî:croupete|croupete]] avou shijh djåbes al tere et ene [[Motî:tchape|tchape]]. <I>Les vårlets fwaiynut des houzårs a campagne </I>([[Motî da Gilliard]]). Loukîz a : [[Motî:sôdår|sôdår]], [[Motî:dijhea|dijhea]]. <span lang=fr>F. "dizeau".</span>
<FONT COLOR="#0000ff">>>&nbsp;covrou houzår:</FONT> dijhea avou set djåbes al tere, et troes djåbes come tchapes.

<B>4.</B> sôre di [[Motî:moye|moye]] di djåbes. <span lang=fr>F. "meule".</span>

| <FONT COLOR="#ff0000"><B>houzårdé</B></FONT> [o.n.] pwin avou ene miete di [[Motî:raboulets|raboulets]], mins moens ki l' [[Motî:botyî|botyî]] pwin. <span lang=fr>F. "pain mi-gris".</span>

== Etimolodjeye ==
[[Hongrwès]] <span lang=hu>"Huszár"</span> ([[Motî:vintinme|vintinme]], pask' on sôdår so 20, el Hongreye do 16inme sieke, esteut evoyî al cavalreye.&nbsp;<ref><SMALL>[[Motî etimolodjike da von Wartburg|FEW]] '''16''', 274b.</SMALL></ref>, pal voye di l' [[calcaedje di l' almand|almand]], [[Dataedje des mots|1700]].

== Disfondowes == 
<span lang=wa-feller><FONT COLOR="#800080">hoûzaur</FONT>, hoûzâr, houzâr, ouzâr.</span> 

== Sicrijhas ezès motîs == 
;houzår : hoûzâr [E203], hoûzård [E1, E167, E170], hoûzârd [E34, E212b], houzård [E167], ouzârd [C1, C9, C100, C106], xhouzar [E212], nén dins E213, S0, O4.&nbsp;<ref><SMALL>Loukîz al [[Djivêye des motîs]].</SMALL></ref>

== Hårdêye divintrinne == 
* [[houzår|Dipus d' racsegnes so les houzårs]] 
* [[Jean-Charles Benoît|"Les houzårs", c' est ene tchanson do "sordjant Benoet"]]
* [[awousse des dinrêyes|Dipus d' racsegnes so les houzårs (croupetes)]]

== Sourdants & pî-notes == 
<References/>