infin [adv.]

1. metou al fén d' ene cawêye di råjhons. Infin, djans, vos n' i pinsez nén ! Infin, cwè vloz ! (F. Deprêtre et N. Nopère). Ene Francesse; veve; foirt bounès rintes! haiteye, savoz! co cåzu djonne, dayeur, et assez djoleye; infin, dji sohaitreu k' vos l' irîz vey (L. Hendschel). On dit eto: al fén. F. enfin, en conclusion, bref, en fin de compte. >> et infin: evnd. Il î estént tertos, les cis d' Tchacou, les cis d' Mossea, et infin. F. etc., et autres

2. po prinde ene decision, ki ça våye come ça vout. Vos dvoz esse presses a schoûter et a vos bate conte les abominåbes redjimints Olandès ki... - mins vola ki l' mwaisse-sôdård ki s' tént adlé lu hemleye, amoenne si tchvå conte li sinne et shofler ene sacwè e l' oraye do djenerå - ... conte les abominåbès årmêyes troukes, vou dj' dire; infin, evoye! (L. Hendschel). On dit eto: alez !, djans !. F. enfin, quoi qu'il en soit, bon.

3. mostere on rafiya k' a bråmint duré. Infin, dji m' va maryî; est ç' k' i vénrè, infin ? Infin, vs estoz la. On dit eto: al fén des féns. F. F. enfin, finalement.

4. po mostrer k' on est nén trop d' acoird. C' est çk' il a dit, infin. On dit eto: dj' ô bén F. enfin, du moins.

5. po rcoridjî çou k' on vént djusse di dire. Il esteut evoye… i n' esteut nén la, infin.<.I> Il a apoirté les chôzes… po les moxhes…les tchetoeres, infin (ramexhné pa M. Francard). F. enfin, plutôt, je veux dire.

Etimolodjeye : calcaedje riwalonijhî (sorwalonde) do F. enfin.