ivier [o.n.] 1. dierinne [[Motî:såjhon|såjhon]] d' l' anêye, ki cmince li 21 di [[Motî:decimbe|decimbe]] et-z esse fwaite li 20 di [[Motî:måss|måss]]. L' ivier, les dtchårnés bodjes des plopes livèt leus bresses come po priyî ([[J. Lebois]]). Tins des shijhes d' ivier, les efants djouwént ås cwårdjeus, les femes et ls efants al kine ([[G. Mottard]]). L' ivier a sovint djouwé ås mayes; Asteure, il èva hinkeplink il èva ådtriviè des håyes Mins il a pierdou totes ses kinkes ([[G. Havelange]]). F. "hiver". >> ivier a l' aiwe: k' i ploût bråmint, mins k' i n' nive waire. >> oidje, frumint d' ivier: oidje, frumint k' on seme divant l' ivier, eneviè les cis k' on seme å måss. >> L' ivier n' est måy [[Motî:baståd|baståd]]°; cwand on n' l' a nén timpe, on l' a tård. >> ivier niveus rimplixh li gurnî: li nive rascovere et waeranti les dinrêyes d' ivier. >> cwand l' [[Motî:agnon|agnon]]° a toplin des pelotes, c' est sene d' on foirt ivier. >> Al [[Motî:Sint-Clemint|Sint-Clemint]]°, si l' ivier est e s' plin, nos årans foirt bea prétins. >> S' i nive divant l' [[Motî:Sinte-Catrene|Sinte-Catrene]]°, l' ivier s' a dschavé li screne. >> côpez on nocrê d' tchinne al Sint-Tomas: si l' moxhe est co dvins, l' ivier serè doûs; s' elle est foû, l' ivier serè long et deur: sipots po-z anoncî l' tins. >> A l' ivier, li såverdea tchiptêye: "dj' a si fwin, dj' a si fwin dj' a si fwin": xhinaedje do tchant di ci oujhea la. 2. nive. F. "neige". >> tapeu d' ivier: onk ki tape al [[Motî:nive|nive]]. >> ivier so bôjhe, djalêye divant troes djoûs: del nive so les broûs, djalêye divant troes djoûs. >> l' ivier so les hourleas endè ratind d' l' ôte: cwand l' nive ni rlegne nén tote, et k' i gn è dmeure so les hourêyes metowes conte li solea, i rnivrè. | d' ivier [addjectivire] C' est ddja on tins d' ivier. F. "hivernal". == Parintaedje == * [[Motî:ivierner|ivierner]] == Omonimeye coinrece == * [[Motî:evier|evier]] (si prononce "ivier" el [[Hesbaye]]) == Hårdêye divintrinne == * [[ivier|Dipus d' racsegnes so l' ivier]]