keute [o.n.] 1. [[Motî:djonteure|djonteure]] metowe å mitan do [[Motî:bresse|bresse]]. Dji m' a fwait må m' keute. Ti n' årès k' a fé on trô, et-z î herer t' bresse disk' å keute ([[Anatole Marchal]]). Vo l' la evoye avou si claire taye ås mantches ritrossêyes disk' å dzeu des keudes ([[J. Calozet]]). On dit eto: [[Motî:cotiron|cotiron]]. F. coude. >> diner on côp d' keute: a) prevni ene sakî sins s' mostrer, metans por lu n' nén dire ene sacwè k' i n' fåt nén. I rabôre les flancs di s' pårén a côp d' keute ([[F. Barry]]). On dit eto: [[Motî:gougnî|gougnî]], [[Motî:tuker|tuker]]. b) bouxhî traitmint so ene sakî avou s' keute. I lyi a dné on côp d' keute tot passant. >> liver l' keute: boere voltî on vere. F. aimer boire. >> si rletchî disk' a s' keude: aveur magnî åk di bon. F. se pourlècher. >> aveur do corant dins s' keude: aveur come on corant electrike cwand on s' gougne li keute (a cåze do spotchaedje do nier do keute, ki passe inte li pea et l' oxhea). >> djonde ses mwins disk' å keute: po bén mostrer k' on preye. F. avec ostentation. 2. viye muzeure ki va do keute al mwin rcloyowe po-z apicî ene on drap et valeur on pî et dmey, u 15 pôces, u 45 cintimetes. Dins les hoyires, on mzuréve co å keute Loukîz a : [[Motî:askeutêye|askeutêye]]. F. coudée. Disfondowes: keute, kûte, coûsse, coûde. Etimolodjeye : latén cubitus (oxhea ki l' tiesse fwait l' dirî do keute). Omonnimeye coinrece : * [[Motî:keude|keude]] (rashonner avou do fyi). * (coinrece ''coûsse'') [[Motî:coûsse|coûsse]] (lûte po kî çk' irè l' pus rade). Parintêye : * [[Motî:askeuter|s' askeuter, askeutêye]]. * [[Motî:cotiron|cotiron]]. Mot d' aplacaedje : * [[Motî:Vî-keute|Vî-keute]]. ---- * [[Djonteure|Dipus d' racsegnes so les djonteures do coir]]. * [[cossoune|Dins "keute" li T est etimolodjike, et rispite dins les parints]]. * [[Viye muzeure|Dipus d' racsegnes so les viyès mzeures]].